.
04:30 PM - 13/07/2020
لیژنەی باڵای بەرەنگاربوونەوەی ڤایرۆسی كۆرۆنا لە هەرێم، بەسەرپەرشتی مەسرور بارزانی و قوباد تاڵەبانی سەرۆك و جێگری سەرۆكی حكومەت لەرێی ڤیدیۆ كۆنفرانسەوە كۆبۆوەو تیایدا ، دۆخی ئێستای بڵاوبوونەوەی ڤایرۆسەكە لە هەرێم و ڕێكارەكانی خۆپارێزی و پابەندبوون بە ڕێنماییە تەندروستییەكان هەڵسەنگێندرا.
لایخۆیەوە، وەزیری تەندروستی ڕاپۆرتێكی دەربارەی ژمارەی تووشبووان و گیانلەدەستدان و چاكبوونەوە خستەڕوو، هەروەها لیژنەی باڵای بەرەنگاربوونەوەی ڤایرۆسی كۆرۆنا بریاریدا بە بەردەوامبوونی هەردوو وەزارەتی تەندروستی وناوخۆ لە دەركردنی ڕێكارەكانی خۆپارێزی و ڕێنمایی تەندروستی پێویست بۆ بەرەنگاربوونەوەی ڤایرۆسی كۆرۆنا. هەروەها بەردەوامبوونی قەدەغەی هاتووچۆ لە نێوان شارەكان و لە نێوان پارێزگاكان، هاوكات گەشتە ئاسمانییەكان تا 22 ی ئەم مانگە ڕادەگیرێن و دواتر بە هەماهەنگی لە گەڵ حكومەتی فیدرالی بڕیاری پێویستی لەو بارەیەوە دەدرێت.
هەروەها وەزارەتی ڕۆشنبیریی و لاوان و فەرمانگەی میدیا و زانیاریی لە چوارچێوەی بڕیار و ڕینماییەكانی وەزارەتی تەندروستی، ڕاسپێردران بۆ بەردەوامبوون و برەودان بە هەڵمەتی هۆشیاركردنەوەی هاووڵاتییان بۆ پابەندبوون بە ڕێنماییە تەندروستییەكان
لە تۆڕە کۆمەڵایەتیەکان شەیری بکە
