.

12:13 PM - 05/06/2020

یۆریكۆ كۆیكی حاكمی شاری تۆكیۆی ژاپۆنی  ئاشكرایكرد : رێكخەرانی ئۆلۆمپیادی تۆكیۆ بە هەماهەنگی لەگەڵ لیژنەی ئۆلۆمپی و پارائۆلۆمپی جیهان  پلانی ئەوەیان داناوە ژمارەی یارییەكان كەمبكەنەوە   كە بڕیارە یارییەكانی ئۆلۆمپیاد  لە هاوینی ساڵی 2021بەرێوەبچێت   بەڵام حاكمی شاری تۆكیۆ هیچ ووردكارییەكی سەبارەت بە ئەو یاریانە و چۆنیەتی كەمكردنەوەی ژمارەی یارییەكان روون نەكردەوە و ئاشكرایكرد  گفتوگۆكان لەوباریەوە دەستی پێكردووە   پێشتریش سیكۆ هاشیمۆ تۆی وەزیری وەرزشی ژاپۆن رایگەیاند : رێكخەرانی ئۆلۆمپیادی تۆكیۆ بە نیازن ئەو بڕە پارەیەی بۆ بەرێوبردنی یارییەكان تەرخانیان كردووە كەمبكەنەوە وزیادەرۆیی لە خەرجكردنی نەكەن   ئەمەش بەهۆی ئەو قەیرانە داراییەی ڤایرۆسی كۆرۆنا دووچاری ووڵاتانی جیهانی كردووە