.
04:31 PM - 03/12/2019
بەرێوەبەرایەتی گواستنەوەی سلێمانی ئاگاداری شۆفێران دەكاتەوە كەلە شەش مانگدا شریت و لۆگۆ بۆ تاكسیەكانیان وەربگرن، بەپێچەوانەوە دوای ئەو ماوەیە هیچ شۆفێرێك بۆی نییە داوای وەرگرتن پێشكەشبكات.
سدیق محەمەد بەرێوەبەری گواستنەوەی سلێمانی رایگەیاند: داوا لەسەرجەم شۆفێرانی تاكسی گەڕۆك و هێڵەكان دەكەین كە لە ئەمڕۆ سێ شەممە 3-12-2019 وە دەتوانن سەردانی بەرێوەبەرایەتی گواستنەوەی سلێمانی بكەن بەمەبەستی وەرگرتنی فۆڕمێكی تایبەت و پڕكردنەوەی لەهەریەك لە بەڕێوەبەرایەتی هاتوچۆی سلێمانی و بەڕێوەبەرایەتی بەڵگەی تاوان و ئاسایش، دوای پڕكردنەوەشی فۆڕمەكە بیگەڕێننەوە بۆ بەرێوەبەری گواستنەوەی سلێمانی.
وتیشی: دواتر دەتوانن لە كۆمپانیای كافرۆش لۆگۆی و شریتی تایبەت بە شاری سلێمانی بۆ تاكسیەكانیان وەربگرن،كە بۆ تاكسیەكانی ناو شاری سلێمانی رەنگی شین و بۆ تاكسیەكانی دەرەوەی شار رەنگی قاوەیی دیاریكراوە.
uO6jnFe1A9g
لە تۆڕە کۆمەڵایەتیەکان شەیری بکە