.
10:38 AM - 16/11/2019
رزگار عەلی سەرۆكی لیژنەی باڵای هەڵبژاردن لە لێدوانێكیدا بۆ گەلی كوردستان پیرۆزبایی دەستپێكردنی پرۆسەی كۆنفرانسی كۆمیتەكانی لە تەواوی یەكێتییەكان كرد و رایگەیاند هیواخوازم ئەم پرۆسەیە بەشێوەیەكی دیموكراسی و دادپەروەرانە بەرێوەبچێت تا كۆی پرۆسەكە بەشێوەیەكی رێكوپێك بگاتە كۆتایی. رزگار عەلی راشیگەیاند: قۆناغی یەكەمی پرۆسەی كۆنفرانسەكان لە كۆمیتەكانەوە دەستپێدەكات و پلەكانی ئەندام كەرت و ئەندام كۆمیتە و جێگری كۆمیتەكان دەگرێتەوە. سەرۆكی لیژنەی باڵای هەڵبژاردن داواشی لە تەواوی هەڤاڵانی كۆمیتەكان كرد بەشداریی لە كۆنفرانسەكاندا بكەن، چونكە پرۆسەی كۆنفرانسی كۆمیتەكان گڕوتینێكی تر دەبەخشێتە نوێبوونەوەی یەكێتی و پێویستیشە هەڤاڵانی بەشداربووی كۆنفرانس كارتی بایۆمەتری و پێناسی رێكخستنیان پێبێت.
.
لە تۆڕە کۆمەڵایەتیەکان شەیری بکە
