.
11:23 AM - 26/10/2019
لویس كامبۆس بەرێوەبەری وەرزشی لەیانەی مۆناكۆی فەرەنسی دوپاتیكردەوە: كیلیان مباپێ ی یاریزانی پێشوی یانەكەی و هێرشبەری ئێستای پاریس سان جێرمان لەداهاتودا پەیوەندی بەریزەكانی ریاڵ مەدرید دەكات لەلێدوانێكی رۆژنامەوانی كەرۆژنامەی سپۆرت بڵاویكردەوە كامبۆس وتی: كیلیان مباپێ رۆژێك لەرۆژان لەریاڵ مەدرید یاری دەكات باسی لەوەشكرد: ئەگەر یاریزانێك بیەوێت ببێتە یەكێك لەباشترینەكانی جیهان پێویستە لەسەری گرێبەست لەگەڵ ریاڵ مەدرید ئیمزا بكات وتیشی : رۆژێك لەرۆژان هەردوو لا رێك دەكەون و كیلیان مباپێ بەدڵنیاییەوە دەبێتە یاریزانی ریاڵ مەدرید كیلیان مباپێ یەكێكە لەگرنگترین یاریزانە لاوەكان لەئێستای تۆپی پێ و بەهەمان شێوە دیارترین ئامانجەكانی فلۆرینتینۆ پێرێزی سەرۆكی یانەی ریاڵ مەدریدە ئەو یاریزانە لاوە فەرەنسی یە بەم دواییە ئەوەی راگەیاندبوو ئەو تا هەتایە لەریزەكانی پاریس سان جێرمان نامێنێتەوە و بیر لەوە دەكاتەوە لەداهاتودا كەشی یانەكەی بگۆڕێت بۆ یانەیەكی تر جێی باسە گرێبەستی مباپێ لەگەڵ پاریس سان جێرمان تاهاوینی ساڵی 2022 بەردەوام دەبێت و یانەی ریاڵ مەدریدیش پلانی بۆ ئەوە داناوە هاوینی داهاتوو هەوڵەكانی دەستپێبكات لەپێناو گواستنەوەی ئەو هێرشبەرە بۆ یاریگای سانتیاگۆبیرنابیۆ
لە تۆڕە کۆمەڵایەتیەکان شەیری بکە
