.
06:53 PM - 10/09/2019
كۆسرەت ڕەسول پیرۆزبایی لە كەناڵی دایك دەكات
بەڕێزان: بەڕێوەبەرو كارمەندانی كەناڵی گەلی كوردستان
لە بیست و هەشتەمین ساڵڕۆژی دامەزراندنی كەناڵی گەلی كوردستان، (كەناڵی دایك) گەرمترین پیرۆزبایی خۆم ئاراستەی بەڕێزتان و سەرجەم كارمەندان و میدیاكارانی كەناڵەكەتان دەكەم و هیواخوازم لە پێشكەوتنی بەردەوامدا بن.
بیست و هەشت ساڵ لەمەوبەر، لەوكاتەی تازە هەوای ئازادی بە كوردستاندا بڵاوببۆوەو بەرهەمی ڕاپەڕینی كوردان گەیشتبووە ئەنجام، یەكێتی نیشتمانی كوردستان وەك هەمیشە و لەپێناو گەیاندنی دەنگ و ڕەنگی كوردان، لە دەستپێشخەرییەكی كەم وێنەدا یەكەم كەناڵی بینراوی كوردی دامەزراندو كردیە سەكۆو مینبەری هەموو كوردێك و لەوێوە دەرفەتی ڕەخساند بۆ میدیاكارانی كورد تا بەتواناكانی خۆیان خزمەتی كوردستان بكەن.
ئەمڕۆ كە بیست و هەشتەمین ساڵیادی كەناڵی گەلی كوردستانی دایك دەكەینەوە، كوردستان بە دۆخێكی هەستیار تێپەڕدەبێ و كەناڵەكانی ڕاگەیاندن دەتوانن لەم دۆخەدا ڕۆڵی كاریگەرو بەرچاویان هەبێ، بە جۆرێك ببنە پردی پەیوەندی نێوان دەسەڵاتە جیاوازەكان و وەك كەناڵێكی میدیایی پیشەییانە كار بكەن.
هاوكاتی هەڵكردنی مۆمێكی تری تەمەنی كەناڵەكەتان، پاڵپشتی و پشتیوانی خۆمتان بۆ دووبارە دەكەمەوەو دەخوازم ساڵی تازەی كاركردنتان وێستگەیەكی تری گرنگی كاركردنتان بێ بۆ گەیاندنی پەیام و بەرنامەكانی یەكێتی نیشتمانی كوردستان و خزمەتكردنی كۆمەڵانی خەڵكی كوردستان.
كۆسرەت ڕەسول عەلی
جێگری سكرتێری گشتی
یەكێتی نیشتمانی كوردستان
لە تۆڕە کۆمەڵایەتیەکان شەیری بکە
