.
11:13 AM - 27/03/2024
بەڕێوەبەرایەتی گشتی کەشناسی و بومەلەرزەزانی پێشبینییەکانی بۆ کەشوهەوای ئەمڕۆ و سبەی شارەکانی هەرێم بڵاوکردەوە و دەڵێت، پلەكانی گەرما بەراورد بەدوێنێ بەرزدەبێتەوە.
بەڕێوەبەرایەتی گشتی کەشناسی و بومەلەرزەزانی هەرێم رایگەیاند: ئەمڕۆ چوارشەممە، ئاسمان بە گشتی نیمچە هەور دەبێت و هەندێک کاتیش بۆ هەوری تەواو دەگۆڕێت، هاوکات ئەگەری نمە باران لە هەندێک ناوچەدا بە تایبەتی ناوچە شاخاوییەکان هەیە.
هەروەها: سبەی پێنجشەممە، ئاسمان لەنێوان پەڵە هەور و نیمچە هەور دەبێت، لە سنووری پارێزگای دهۆک ئەگەری کەمێک نمە باران هەیە و پلەکانی گەرماش بە رێژەی یەک تا دوو پلە بەراورد بە تۆمارکراوەکانی ئەمڕۆ بەرزدەبنەوە.
باسی لەوەشکرد: بەرزترین پلەکانی گەرمای سبەی شارەکانی هەرێم بەمشێوەیە دەبێت:
هەولێر : 21
سلێمانی : 18
دهۆک : 18
زاخۆ : 17
هەڵەبجە : 20
کەرکوک : 23
سۆران : 17
حاجی ئۆمەران : 10
گەرمیان : 25
لە تۆڕە کۆمەڵایەتیەکان شەیری بکە