SORAN MOHAMMED ROSTAM

بەرپرسانی یانەی مانچستەرسیتی ئینگلیزی لە پلانی ئەوەدان گرێبەستێك گاسكۆ گڤاردیۆڵی كرواتی و بەرگریكاری بە توانای یانەی لایپزیگی ئەڵمانی ئیمزا بكەن .

 سەرچاوەكانی هەواڵ  ئاشكرایان كردووە : پیپ گواردیۆلای راهێنەری ستیزنس بە تواناكانی گڤاردیۆڵ سەرسامە و لەو باوەڕەشدایە ئەو یاریزانە لە ریزەكانیان ئاستێكی زۆر بەرز پێشكەش بكات و لە داهاتووشدا هاوكاری سەرەكی یانەكەیان بێت بۆ بردنەوەی سەرجەم نازناوەكەكان  هەر بۆیە ناوبراو داوایەكی پێشكەشی ئیدارەی مان سیتی كردووە : ئەویش تا لە ماوەی داهاتوودا هەوڵەكانیان بۆ گواستنەوەی ئەو ئەستێرە كرواتییە چڕبكەنەوە و پێش سەرجەم یانەكانی ئەوروپا گرێبەستی لەگەڵ ئیمزا بكەن.

سەرچاوەكانی هەواڵ  ئاماژەیان بەوەش كردووە : لەسەر داوای گواردیۆلا بەرپرسانی مانچستەر لای خۆیانەوە لە ئامادەكاریدان تا لە دوای یارییەكانی ئەم وەرزە گفتوگۆكانیان لەگەڵ ئیدارەی لایپزیگ دەست پێ بكەن  لەلایەكی تریشەوە رۆژنامە ئەڵمانییەكان رایانگەیاندووە : ئیدارەی لایپزیگ ئامادەییان نیشانداوە دەست بەرداری تواناكانی ئەو بەرگریكارە تەمەن 21 ساڵە ببن  بەڵام بە مەرجێك بڕی 120 ملیۆن یۆرۆ پێشكەشی یانەكەیان بكرێت.