.
07:12 PM - 31/01/2023
سهرۆك وهزیرانی عیڕاق دڵنیایی دهداته عیراقییهكان لهبارهی بههای دۆلارهوه و داوایان لێدهكات پارهكانیان نهگۆڕن به دۆلار.
محهمهد شیاع سودانی، سهرۆك وهزیرانی عیڕاق له دیدارێكی تهلهفزیۆنیدا ڕایگەیاندووە: "هاوڵاتییان دڵنیا دهكهینهوه كه دیناری عیراقی له دۆلار بههێزتره و دواتان لێدهكهم دۆلار ههڵمهگرن و دینار مهگۆڕنهوه به دۆلار".
سەرۆك وەزیرانی عیراق باسی لەوەشكردووە، "هاوڵاتییان دڵنیا دهكهینهوه كه نرخی دۆلار دادهبهزێنین و دهیگهڕێنییهوه نرخی فهرمی و دابینی دهكهین و بازرگانهكان و بازرگانی دهگهڕێنینهوه سهر بازرگانی شهرعی.
ئەوەش دوای ئەوەدێت، ماوەی زیاتر لە مانگێكە بەهای دۆلار بەردەوام روو لەبەرزبوونەوە بووە و ئەمڕۆش بەهای 100 دۆلار نزیكبووەوە لە 170هەزار دینار.
لە تۆڕە کۆمەڵایەتیەکان شەیری بکە