.
03:09 PM - 31/12/2021
كۆمەڵانی خەڵكی كوردستان، بە بۆنەی هاتنی ساڵی ٢٠٢٢ەوە وێڕای پیرۆزبایی گەرممان،ئومێدەوارین بە هاریكاریی و پشتگیریی ئێوەی نەبەز، تواناكانمان زیاتر بخەینە گەڕ تا لەگشت كایەكاندا بە كردارئەم ساڵ بكەینە ساڵی نوێبونەوە گوڕوتین بەخشین بە خەبات لە پێناوی دابینکردن و چەسپاندنی خۆشگوزەرانیی گەلەكەماندا .
هیواداریشین بە كۆتایی هاتنی ساڵی ٢٠٢١ لەگەڵ خۆیدا گشت ئەو نەهامەتیانەی ئەو ساڵە و ساڵانی تریش ڕابماڵێت .
هەر لەم بۆنەیەدا بە پێویستی دەزانین بۆ ڕۆحی پاكی ئەوشەهیدانەمان كە لەکۆتاییەکانی ساڵدا لە پەلامارەكانی داعش شەهیدبون و بۆ ڕۆحی ئەوهاوڵاتیانەمان كە لە كارەساتە سروشتیەكاندا لە سنوری هەولێر وكەركوك بونە قوربانی و بۆ هاوڵاتیانەشمان کە لە ڕێگەی كۆچی ناچاریدا گیانیان لەدەستدا سەری ڕێز ونەوازشیان بۆ دابنەوێنین و هەموو ئەوانە ببنە دەرسێک کە ساڵی نوێ بکەینە ساڵی بوژانەوەی زیاتر لەهەمو بوارەكاندا و ببێتە ساڵی یەكڕیزیی و یەكدەنگیی گەلەكەمان وحزبەكان بۆ زامنكردنی مافە دەستورییەكانی گەلی كوردستان لەعیراقی فیدراڵدا كە ئاشتبونەوەی گشتیی دەستپێكەكەی بێت، هەروەها ساڵی نوێ ببێتە ساڵی سەقامگیریی و سارێژبونی گشت زامەكانی ساڵی رابردوومان.
مەكتەبی سیاسی یەكێتیی نیشتمانیی كوردستان
٣١ ی كانونی یەكەمی ٢٠٢١
لە تۆڕە کۆمەڵایەتیەکان شەیری بکە
