.
01:25 PM - 29/12/2021
بەپێی گرتەیەكی ڤیدیۆیی كە گرووپی تیرۆریستی داعش بڵاویكردوەتەوە، عەقید یاسر ئەلجورانی بەڕێوەبەری پاسپۆرتی ناوچەی ئەعزەمیەی بەغدا دوای دەستگیركردنی لەگەڵ سێ هاوڕێی تریدا لەنزیك دەریاچەی حەمرین لە پارێزگای دیالە ، تیرۆریستێك كە ئاڵای داعشی لەپشتەوە دانراوە و لەناوچەیەكی بیابانیدایە، ئەفسەرەكەی وەزارەتی ناوخۆی عیراق بە درندانەترین شێوە شەهید دەكات.
عەقید یاسر دوو هەفتە لەمەوبەر بەمەستی راوە ماسی لەگەڵ سێ هاوڕێی تریدا چوونەتەسەر دەریاچەی حەمرین ، بەڵام لەلایەن گرووپی تیرۆریستی داعشەوە رفێنراون ، دواتریش شانەی ئەمنی عیراق بڵاویكردەوە ، چەند هەڵمەتێكیان بۆ دۆزینەوەی ئەو چوار هاوڵاتییە و كێوماڵكردنی پێگەكانی داعش لەو ناوچەیە ئەنجامداوە، لەو هەڵمەتەشدا چەند تەرمێك دۆزراونەتەوە.
لە تۆڕە کۆمەڵایەتیەکان شەیری بکە