.

09:48 AM - 26/12/2021

لەسەر ئەرکی خاتوو شاناز ئیبراهیم ئەحمەد تەرمی گەنجێکی پشدەر بۆ باوەشی نیشتمان دەگەڕێنرێتەوه


ئەمشەو ٢٦-١٢-٢٠٢١، لەسەر ئەرکی خاتوو شاناز ئیبراهیم ئەحمەد کارگێڕی مەکتەبی سیاسی و سەرپەرشتیاری مەڵبەندی ١ی رێکخستنی سلێمانی یەکێتیی نیشتمانیی کوردستان، لە ووڵاتی بەریتانیاوە و لەرێگای فرۆکەخانەی نێودەوڵەتی سلێمانییەوە تەرمی جوانەمەرگ(سێبور سلێمان مەنگوڕی) بۆ نیشتمان و ناو خێزان و بنەماڵەکەی گەڕێندرایەوە.

لە ڕێوڕەسمی پێشوازیکردن لە تەرمی جوانەمەرگ(سێبور مەنگوڕی)لە فرۆکەخانە لەلایەن خانەوادە و کەسوکارەکەی، ستافی نووسینگەی تایبەتی خاتوو شاناز ئیبراهیم ئەحمەد جارێکی تر بەناوی خاتوو شاناز پرسە و سەرەخۆشیان ئاڕاستەی خێزان و بنەماڵەی کۆچکردوو کرد.

لەوتەیەکیدا لەبارەى هێنانەوەى تەرمى کوڕەکەى، سلێمان مەنگوڕی وتى:زۆر سوپاسى دادە شاناز دەکەم کە هاوکار و پشتیوانمان بووە لە رێکارە یاساییەکان لە بەریتانیا و لەسەر ئەرکى خۆشى تەرمى جوانەمەرگى کوڕەمان هاتۆتەوە بۆ ئامێزمان.

جێی باسە، سێبور سلێمان مەنگوڕی، تەمەن 25 ساڵ، خەڵکی ناحیەی ژاراوەی قەزای پشدەرە و ماوەی چەند ساڵێکە لە شاری نۆتینگهام لە بەریتانیا دەژیا و چەند هەفتەیەک لەمەوبەر لەروداوێکی دڵتەزێندا گیانی لەدەستدا و ئەمشەو گەڕایەوە بۆ ئامێزى خانەوادەکەى و نیشتمان.

VC3ZxI_gBSU