.
01:10 PM - 17/10/2020
شەوی رابردوو ركابەرییەكانی هەفتەی حەوتەمی خولی یانەكانی فەڕەنسا دەستیان پێ كرد و لە رووبەروو بوونەوەیەكی گرنگیشدا پاریس سان جێرمان لە دەرەوەی یاریگای خۆی بووە میوانی نیم ئۆڵیمپیك لە سەرەتاوە یارییەكە توندو تیژیەكی زۆری بەخۆوە بینی و هەر بەو هۆیەشەوە لە دەقیقەی 12 دا ناوبژیوان لوك لاندری یاریزانی یانەی نیم ئۆڵیمپیكی بە كارتی سوور كردە دەرەوە دوای ئەوەش یاریزانانی پی ئێس جی كۆنترۆڵی نێو یاریگایان گرتە دەست و لە دەقیقەی 32 شدا كیلیان مباپێ گۆڵی پێشكەوتنی یانەكەی تۆماركرد و گێمی یەكەمی یاریەكەش هەر بەو تاكە گۆڵە مایەوە لە گێمی دووەمدا یاریزانانی یانە پاریسیەكە باڵادەست بوون و دوای هەوڵێكی زۆریش لە دەقیقەی 77 دا ئەلیساندۆر فلۆرێنزی گۆڵی دووەمی بەخشیە یانەكەی هەروەها لە دوا دەقیقەكانی یاریەكەشدا یاریزانانی یانەی میوان فشارێكی زۆریان خستە سەر گۆڵی یانەی بەرامبەر و هەر بەو هۆیەشەوە لە دەقیقەكانی 83 و 88 یشدا كیلیان مباپێ و پابلۆ سارابیا دوو گۆڵی تریان بۆ یانەكەیان تۆماركرد سەرەنجام یانەی پاریس سان جێرمان بە 4 گۆڵی بێ وەڵام یانەی نیم ئۆڵیمپیكی دووچاری شكست كرد و بە شێوەیەكی كاتیش چووە پێشەنگی ریزبەندی خولەكە .
لە تۆڕە کۆمەڵایەتیەکان شەیری بکە
