.
02:14 PM - 30/06/2020
مانچستەریونایتد روبەروی برایتۆن دەبێتەوە
ئەمشەو یاریەكانی هەفتەی 32ی پریمەرلیگ درێژەی دەبێت یانەی مانچستەریونایتد دور لەیاریگای خۆی دەبێتە میوانی یانەی برایتۆن .
مانچستەریونایتد لەژێر سەرپەرشتی ئۆلی جونار سۆڵشایەری راهێنەری نەرویجی لەدوای دەستپێكردنەوەی یاریەكانی ئەم وەرزە ئەنجامەكانی زۆر باشن چ لەئاستی پریمەرلیگ یاخود لەجامی ئینگلتەرا بەجۆرێك لەو 4 یاریەی رابردوو هیچ یاریەكی نەدۆڕاندووە و 2 بردنەوە و 2 یەكسان بونی تۆمار كردووە لەجامی ئینگلتەراش گەیشتۆتە قۆناغی پێش كۆتایی دوای ئەوەی توانی لەقۆناغی پێنجەمدا شكست بەنۆریچ سیتی بهێنێت و یاریەكەی بە 2 گۆڵ بەرامبەر بە گۆڵێك لێ بباتەوە هەرچەندە ئەركی لەم یاریەدا تارادەیەك ئاسانە بەوەی لەكۆی روبەروبونەوەكانی لەگەڵ برایتۆن بردۆتەوە و ئەو یانەیەش لەریزیەندی خولەكە پلەی 15ی گرتووە بەڵام سۆڵشایەر دەیەوێت بەپشت بەستن بەئەستێرە دیار و بەتواناكانی ئەم یاریە ئەنجام بدات تا بتوانن سەركەوتنێكی تر تۆمار بكەن و لەپلەكانی پێشەوەی ریزبەندی خولەكە بمێنننەوە كە ئێستا شەیتانە سورەكان بە 49 خاڵ پلەی شەشەمی گرتووە و 3 خاڵ لەدوای ساوسهامپتۆنی پێنجەمە كە ئەو پلەیە دەیگەیەنێتە.
وەرزی داهاتووی خولی ئەوروپی بەڵام ویستی ئەو یانە زیاترە ئەویش بەشداری كردنیەتی لەخولی یانە پاڵەوانەكانی ئەوروپا ئەگەر بتوانێت سەرجەم یاریەكانی بباتەوە و لەبەرامبەردایشدا ئەنجامی یاریەكانی لیستەرسیتی و چیڵسی سێیەم و چوارەمی ریزبەندی لەبەرژەوەندیان بن
لە تۆڕە کۆمەڵایەتیەکان شەیری بکە
