بافڵ جەلال تاڵەبانی، سەرۆکی یەکێتیی نیشتمانیی کوردستان لە ماڵی مام لە بەغداد پێشوازی لە محەمەد حەلبووسی، سەرۆکی حیزبی تەقەدوم کرد. 
لە کۆبوونەوەکەدا کە دەرباز کۆسرەت رەسوڵ و خالید شوانی، ئەندامانی مەکتەبی سیاسیی یەکێتی ئامادەیبوون، دۆخی سیاسیی ناوچەکە تاوتوێ کرا و پێکهێنانی حکومەتی نوێی عیراق لە وادەی دەستووری دا بە گرنگ زانرا. 
پێویستی هەماهەنگی و پەیوەندی نێوان لایەنەکان بۆ پەلەکردن لە تەواوکردنی رێکارەکانی پێکهێنانی حکومەتی نوێی عیراق لەسەر بنەمای دەستوور جەختی لەسەر کرایەوە.