.
11:47 AM - 30/03/2020
وەزارەتی تەندروستی هەرێم سەبارەت بە راگەیاندنی چەند حاڵەتێكی نوێی توشبوو بە ڤایرۆسی كۆرۆنا لە راگەیەندراوێكدا ئاماژەی بەوەكردووە: لە بەردەوامی پشكنینەكان و گەڕان بەدوای گومانلێكراوان هەشت تووشبووی ڤایرۆسی كۆڕۆنا لە شاری هەولێر راگەیەندران.
وەزارەتی تەندروستی ئەوەشی ئاشكراكردووە: پێنج لە تووشبووان كە پیاو و ژن و سێ منداڵن كەسوكار و بەركەوتووی تووشبووەكەی ناحیەی خەلیفانن.
ئەوەشی خستۆتەروو: سێ لە تووشبووان پیاون و دانیشتووی پارێزگای دهۆكن و لە فەرەنسا گەڕاونەتەوە تا ئێستا لەشاری هەولێر لە كەڕەنتین دان.
لە لایەكی تریشەوە بەڕێوەبەرایەتی گشتی تەندروستی هەولێر لە راگەیەندراوێكدا ئاماژەی بەوەكردووە: یەكێكیتر لە نەخۆشی تووشبوو بە ڤایرۆسی كۆڕۆنا دوای وەرگرتنی چارەسەری پزیشكی بەتەواوی چاكبوەوە و باری تەندروستی تەواو جێگیرە، وە پشكنینی بۆ كراوە و نێگەتیڤ بوو. بەڕێوەبەرایەتی گشتی تەندروستی هەولێر ئاماژەی بەوەشكردووە: كۆی گشتی چابوەكان گەیشتۆتە شەش حاڵەت.
لە تۆڕە کۆمەڵایەتیەکان شەیری بکە
