.

01:05 PM - 01/08/2015

بەرنامەی خۆراكی جیهانی هاوكاری خۆراكی بۆ ئاوارەكانی سوریا كەم كردەوە. بەرنامەی خۆراكی جیهانی سەربەنەتەوە یەكگرتوەكان لەبەیاننامەیەكدا ڕایگەیاند: بەهۆی كەمبوونەوەی كۆمەكی داراییەوە بڕی ئەو خۆراكەی دەدرێت بەسەدان هەزار ئاوارەی سوری لەئوردن و لوبنان بۆ نیوە كەمكراوەتەوە. لەكانونی یەكەمی ڕابردوشدا و لەبەرهەمان هۆكار بەرنامەی خۆراكی جیهانی ناچار بوو بەشێوەیەكی كاتی هاوكارییە خۆراكیەكانی خۆی بۆ نزیكەی یەك ملیۆن و 700 هەزارئاوارەی سوری ڕابگرێت، بەڵام دوای ئەوەی 65 ملیۆن دۆلار هاوكاری لە  ئەمریكاوە پێگەیشت توانی هاوكاریەكانی بۆ 440 هەزار ئاوارەی سوری لەئوردن دەست پێ بكاتەوە.