یەكێتی نیشتمانی كوردستان پەیامێگ پیرۆزبایی ئاراستەی پارتی كێد

.

485 جار خوەنریاس

8/15/2016 -

 مەكتەب سیاسی یەكێتی نیشتیمانی كوردستان وەبوونەی ساڵیاد دامەزراندن حزب دموكرات كوردستان پەیامێگ پیرۆزبایی پێشكەش ئەو حزبە كێد.
لەپەیامەگەی مەكتەب سیاسی یەكێتی هاتێە: جەناب  مەسعود بارزانی سەرۆك حزب دموكرات كوردستان و هەڤاڵان مەكتەب سیاسی و كۆمیتەی ناوەندی پارتی ، لەیاد 70 ساڵەی دامەزرانن پارت دموكرات كوردستان, وەناو مەكتەب سیاسی و ئەنجومەن سەركردایەتی یەكێتیەو, پیرۆزبایی لیدان كەیم ‌و لەڕێ ئیوەیشەو, وە بوونەی ئێ یادە سڵاو خوەمان ئاراستەی سەرجەم هەڤاڵەیلدان كەیمن.
 مەكتەب سیاسی ی.ن.ك لەپەیامەگەی, ئاماژە وە ئەوەیش كردێە یاد 70 ساڵەی حزبە تێكوشەرەگەدان, كە لە وەخت دامەزراندن یەكەمین جمهوری كوردستان دامەزریاس, مێژووێگ دوویرودریژ و پڕ لە روداو جۆراو جۆر پیروزی و شكەست و خوەشی و ناخۆشی لە خوەی گرێد, كە رووداو فرێگ لەو مێژووە لەپشت سەر ناینەو یەكە وە یەكەیان مایەی پەند وەرگرتنە ئڕا گشت لایگمان.
هەر لە پیرۆزبایی نامەگە هاتێە لە دویای جەنگ سەردیشەو هەتا ئێسە, دەرفەت سیاسی خاس ئڕامان هاتێەسە پێش كە كوردستان فدرال لە عراق لێ كەفتەو, ئێ ماوەیەشە روویدان رووداوە سەختەگان لە ناوچەگە, لە جەنگ دژ وە داعش پێشمەرگە, نمونەێگ ئازادیخوازی راستەقینە بووی.
 لەبەشێگ تر پەیامەگەی مەكتەب سیاسی ی.ن.ك  ئاماژە وە بارودۆخ ئێسەی هەریم كوردستان كریاس و داوایش كریاس دەزگا شەرعیەگان هەریم كاراو بكریەن, هاوكات وە ئەوەیش ئاماژە كردنە لە ئێ وەزعیەتە, رووداوەگان وەرەو سناریۆ توافقێگ تر نێودەوڵەتی و ئقلیمی نزیكەو بوون, كە لەی وەختیشە ناوماڵ كورد لەیەك چویچیاس.
 بەڵام  یەكێتی بەردەوام ئومێدەوارە, لە ترازان وەرەو سازان گشت لایگمان ئڕا چارەسەری موشكلات, چارەسەریش لە ئێ وەزعیەتە بوویسە ئەركێگ نیشتمانی نەتەوەیی و یاسایی و سیاسی.
لە حالێگ كە جارێگ تر وە بوونەی یاد (70) ساڵەی دامەزرانن حزبە تێكۆشەرەگەدان, پیرۆزبایی گەرم ئاراستەدان كەیمن, بێگومان چاوەروانیشین, ئازمون فرەدان, یارمەتیدەر گشت لایگمان بوود ئڕا چارەسەری گونجاو و كاراكردن دەزگا شەرعیەگان و عادییەو كردن وەزعیەت سیاسی كوردستان.

فرەترین خوەنیای
زانستی
مەردم ئێران 3 تا 4 بەرابەر ئستاندارد جەهانی داروو وەكار تیەرن


مەقامێگ نزامی بهداشتی ئێران ئعلامكرد: شاروەندەیل ئەی وڵاتە 3 تا 4 بەرابەر ئستاندارد جەهانی داروو وەكار تیەرن. هەروا لە وەكارهاوردن فرەی ئانتی بیوتیك لە ئێران هوشدار دا و وەت: مۆقاومەت لە بەرامبەر ئەی دارووە, فاجعە و كارەس زیاتر

    [‎1/‎10/‎2018 2:42 PM] Mukri Ashna: