.
01:56 PM - 23/05/2020
جەستن كلایڤێرت بۆتە ئامانجی بەرپرسانی ئارسناڵ
بەهۆی ئەو ئاستە بەرزەی لەگەڵ یانەكەی پێشكەشی دەكات جەستن كلایڤێرتی هۆڵەندی و ئەستێرەی لاوی یانەی رۆما لەلایەن یانەی ئارسناڵەوە كراوەتە ئامانج .
بە پێی هەواڵی رۆژنامە بەریتانییەكان : بەرپرسانی یانەی ئارسناڵ هەوڵەكانیان بۆ كڕینی كلایڤێرتی كوڕ دەست پێ كردووە و بە نیازیشن لە نزیك ترین كاتدا گفتوگۆكانیان لەگەڵ ئیدارەی رۆما دەست پێ بكەن ئەویش تا بتوانن لە وەرزی داهاتوودا ئەو یاریزانە لاوە ببەنە ریزەكانیانەوە .
رۆژنامە بەریتانییەكان باسیان لەوەش كردووە : لە ماوەی رابردووشدا بەرپرسانی گەنەرز چاودێری ئەو یاریزانەیان كردووە و تا رادەیەكی زۆیش لە ئاست و تواناكانی رازین جەستن كلایڤێرتی تەمەن 21 ساڵ كە كوڕی پاتریك كلایڤێرتی ئەستێرەی پێشووی هەڵبژاردەی هۆڵەندایە لە هاوینی 2018 ەوە پەیوەندی بە ریزەكانی یانەی رۆماوە كردووە و لەگەڵ ئەو یانەیەشدا هاوینی 2023 بۆندەكەی كۆتایی پێدێت.
لە تۆڕە کۆمەڵایەتیەکان شەیری بکە