.
01:30 PM - 21/05/2020
ئەلیكسەندەر چیفیرینی سلۆڤینی و سەرۆكی یەكێتی تۆپی پێی ئەوروپا یوفا دوپاتیكردەوە: یەكێتی یەكە هیواخوازە یاریەكانی خولی یانە پاڵەوانەكانی ئەوروپا لەكۆتایی مانگی هەشتی داهاتوو تەواو بكات چیفیرین لەلێدوانێكیدا بۆ رۆژنامەی ریكۆردی وەرزشی پورتوگالی و لەوەڵامی پرسیارێك لەبارەی وادەیەك بۆ كۆتایی پێهێنانی ئەم وەزرەی چامپیۆنس لیگ كە لەناوەراستی مانگی سێوە وەستاوە بەهۆی ڤایرۆسی كۆرۆناوە وتی: پلانمان ئەوەیە لەكۆتایی مانگی هەشت یاریەكانی ئەو پاڵەوانێتی یە تەواو بكەین ناوبراو گەشبینی خۆی نیشاندا بەسەركەوتنی ئەو هەنگاوە و جەختی لەوەكردەوە لەسەدا 80 ی پاڵەوانێتی یە ئەوروپیەكان دەست پێ ئەكەنەوە و هیچ هۆكارێك نییە بۆ ئەنجام نەدانی یاریەكانی خولی یانە پاڵەوانەكانی ئەوروپا و خولی ئەوروپی پێشتر یوفا پێشنیاری رۆژی 3ی مانگی هەشتی كردبوو وەك وادەی كۆتایی بۆ ئەگەری كۆتایی پێ هێنانی پاڵەوانێتی یە نیشتمانیەكان هەفتەی رابردوش شیفیرین رونیكردەوە: تۆپی پێ بەهۆی جەنگی جیهانی یەكەم و دووەم گۆڕانی بەسەردا نەهات وبەهۆی ڤایرۆسی كۆرۆناش گۆڕانكاری بەسەردا نایەت و متمانەی بەوە دوپاتكردەوە یۆرۆی 2020 كە دواخرا بۆ یەك ساڵ لەساڵی داهاتوو ئەنجام دەدرێت لەكۆتایی لێدوانەكەی سیفیرین وتی: تۆپی پێ بەهاندەرانەوە لەنزیكترین كاتدا دەگەرێتەوە و پێشبینی ئەوە ناكەم ئەو یاریە گۆرانكاری ریشەیی تیا روبدات بەهۆی ڤایرۆسی كۆرۆناوە
لە تۆڕە کۆمەڵایەتیەکان شەیری بکە