.
08:26 PM - 27/01/2020
وەزارەتی تەندروستی هەرێم رایگەیاند ئەو هەواڵانەی باس لەوە دەكەن لە كوردستان یەكەم حاڵەتی تووشبوون بە ڤایرۆسی كۆرۆنا تۆماركرابێت، دوورن لە راستییەوە و هیچ حاڵەتێك تا ئێستا تۆمار نەكراوە.
لە راگەیەندراوەكەی وەزارەتی تەندروستی هەرێمدا ئەوە خراوەتە روو كە لە چەند پەیج و میدیایەك بەبێ هیچ سەرچاوەیەك و دوور لە ڕاستی و بەبێ هیچ بنەمایەك هەواڵی بوونی ئەم نەخۆشیەیان بڵاوكردۆتەوە.
وەك لەراگەیراوەكەدا هاتووە هاڵاتیانی خۆشەویست دڵنیا دەكەینەوە كە دامودەزگاكانی تەندروستی زۆر بەووردی و بە بەردەوام چاودێری ڕەوشی ئەم نەخۆشیە دەكەن بەهەماهەنگی لەگەڵ لایەنە پەیوەندارە نێودەوڵەتیەكان و ڕێككارە پێویستەكان دەگیرێتەبەر بۆ ڕێگەگرتن لەم نەخۆشیە، هەروەها ڕایدەگەیەنین كەوا جگە لە وەزارەتی تەندروستی و ڕێكخراوی تەندروستی جیهانی WHOلەسەر ئاستی جیهاندا، هیچ لایەنێكی دیكە بەسەرچاوەی رەسمی بڵاوبوونەوەی ئەم هەواڵانە داناندرێت.
لە تۆڕە کۆمەڵایەتیەکان شەیری بکە
