.
11:02 AM - 19/01/2020
توركی فەیسەڵ شازادە و سەرۆكی پێشووی دەزگای هەواڵگری سعودییە لە چاوپێكەوتنێكیدا لەگەڵ كەناڵی (سی ئێن بی ئێس)ی ئەمریكی باسی لە كاریگەری و لێكەوتەكانی كشانەوەی هێزەكانی سوپای ئەمریكا لەعیراق كرد و رایگەیاند ئەگەر ئەمریكا هێزەكانی لە عیراق بكشێنێتەوە دۆخی عیراق لەوەی ئێستا هەیە ئاڵۆزتر دەبێت و خوێنی زیاتر دەڕژێت و گرووپە تیرۆریستییەكانی وەك قاعیدە و داعش دووبارە سەرهەڵدەدەنەوە ، راشیگەیاندووە ئەفغانستان نمونەیەكی زیندووە بینرا دوای كشانەوەی هێزەكانی ئەمریكا ئەو وڵاتە چێ بەسەرهات.
ئەو شازادە سعودییە رەخنە لە سیاسەتەكانی تاران گرتووە و رایگەیاندووە سەركردەكانی ئێران پرۆژەیەكیان هەیە بۆ ئەوەی لە سەرتاسەری جیهاندا نوێنەرایەتیی هەموو ئیسلام بكەن ، بەوتەی توركی فەیسەڵ ئێران بۆ بەردەوامبوون لەسەر پرۆژەكەی گرووپە نزیكەكانی لە وڵاتانی عەرەبی بەكاردەهێنێت لەوانە حیزبوڵا لە لوبنان و حوسییەكان لە یەمەن.
لە تۆڕە کۆمەڵایەتیەکان شەیری بکە