.

04:45 PM - 17/01/2020

 پەرلەمانتارێكی عیراق ئاشكرایدەكات، تێكڕای بێكاری لە ناوچە ئازادكراوەكانی عیراق لەسەدا 40ی تێپەڕاندوە‌و داواكارە حكومەت چارەسەری خێرا بۆ ئەو پرسە بكات.
(غیدا كەمبش) پەرلەمانتاری عیراق لە لێدوانێكی رۆژنامەوانیدا رایگەیاندوە: یەكێك لەو ئاستەنگانەی كە رووبەڕووی ناوچە ئازادكراوەكانی دەستی داعش بۆتەوە، ئەوەیە رێژەی بێكاری تێیاندا زۆر بەرزە و لەسەدا 40ی تێپەڕاندووە، ئەوەش ئاماژەیەكی مەترسیدارە بۆ خراپی دۆخی ئابووری لەو ناوچانەدا.
ئاماژەی بەوەشكردووە: پێویستە حكومەت لەرێگەی بەرنامەیەكی تۆكمەوە كار بۆ چاككردنی ئەو دۆخە بكات ‌و هەلی كار بۆ هاوڵاتیانی ئەو ناوچانە بدۆزێتەوە.
هاوكات دەزگای ئاماری ناوەندی عیراق لە نوێترین راپۆرتیدا رایگەیاندووە، رێژەی بێكاری لەناوچە شارنشینەكانی عیراقدا لەسەدا 14یەو لە ناوچە گوندنیشنەكانیش لەسەدا 13 پۆینت هەشتە.