.
01:24 PM - 16/12/2019
وەزارەتی بەرگری ئەمریكا پێنتاگۆن وەڵامی لێدوانەكەی رەجەب تەیب ئەردۆگان سەرۆك كۆماری توركیای دایەوە سەبارەت بەداخستنی بنكەی ئاسمانی ئینچەرلیك و كۆرجیك بەڕووی هێزەكانی ئەمریكا و هاوپەیمانی نێودەوڵەتی و رایگەیاندووە بوونی هێزەكانیان لەو دوو بنكەیە بەهەماهەنگیە لەگەڵ حكومەتی توركیا و بۆ پارێزگاریكردنە لەبەرژەوەندییە هاوبەشەكانی هەردوو وڵات لەچوارچێوەی هاوپەیمانی باكوری ئەتڵەسی ناتۆدا ، وەزارەتی بەرگری ئەمریكا ئاماژەی بەوەشكردووە پابەند دەبن بەپاراستنی پەیوەندییەكانیان لەگەڵ توركیا و هەموو هەوڵێك دەدەن بۆ رێگری لەتێكچوونی ئەو پەیوەندییانە.
حكومەت و كۆنگرێسی ئەمریكا سەرقاڵی داڕشتنی پرۆژە یاسایەكن بۆ سەپاندنی سزا بەسەر توركیا بەهۆی كڕینی سیستمی بەرگری ئێس 400 لەروسیا ، لەچەند رۆژی رابردووشدا سەرۆك كۆماری توركیا هۆشداریدا لەئەگەری سەپاندنی سزای لەو شێوەیە بەسەر وڵاتەكەی ، هەردوو بنكە ئاسمانیەكە بەرووی هێزەكانی ئەمریكا دادەخەن.
لە تۆڕە کۆمەڵایەتیەکان شەیری بکە
