.
09:34 PM - 15/12/2019
خلوسی ئاكار وەزیری بەرگری توركیا لە لێدوانێكدا لەكۆنگرەی دەوحەی قەتەر سەبارەت بە مانەوەی توركیا لە هاوپەیمانی باكوری ئەتڵەسی ناتۆ رایگەیاند: توركیا وەك ئەندام لە ناتۆ دەمێنێتەوە و هیچ نیازێكی جیابوونەوەی نیە لەو هاوپەیمانیێتیە.
ئاماژەی بەوەشكرد: ئەنكەرە هاوبەشێكی سیاسی ناتۆیە و هیچ هەوڵێكیش بۆ دەرچو,ن لەو هاوپەیمانێتیە نەدراوە، لەبارەی كڕینی موشەكی ئێس400ی روسییاوە كە نیگەرانی ئەمریكای لێكەوتەوە، ئەوەیخستەروو: وڵاتەكەی ناچار بووە ئەو موشەكە لە مۆسكۆ بكڕێت چونكە سوپاكەیان پێویستی بەو سیستەمەیە.
وەزیری بەرگری توركیا روونیشیكردەوە: ئەنكەرە لە گفتوگۆدایە بۆ كڕینی فڕۆكەی جەنگی ئێف 35ی ئەمریكی و هەوڵ بۆ دۆزینەوەی چارەسەری ناكۆكییەكانی نێوانیان دەدەن.
لە تۆڕە کۆمەڵایەتیەکان شەیری بکە
