.
03:48 PM - 11/12/2019
كۆمیسیۆنی لیژنه‌ی باڵای هه‌ڵبژاردنه‌كانی یه‌كێتیی نیشتمانیی كوردستان له‌ڕاگه‌یه‌ندراوێكدا وێڕای ده‌ستخۆشی لێكردن له به‌ڕێوه‌چوونی كۆنفرانسی مه‌ڵبه‌نده‌كان ڕایگه‌یاندووه كه یه‌كێتیی نیشتمانی كوردستان ئه‌و هێزه گه‌وره‌یه‌یه كه هه‌میشه پێشه‌نگ بووه به بڕوابوون به ئازادی و دیموكراسی و مافی تاك.
ئه‌مه‌ش ده‌قی ڕاگه‌یه‌ندراوه‌كه:
راگه‌یه‌ندراوێك له كۆمسیۆنی لیژنه‌ی باڵای هه‌ڵبژاردنه‌كانه‌وه
ئه‌م گه‌له پێویستیی به سێ شته.
یه‌كێتیی و یه‌كێتیی و یه‌كێتیی
دوای ئه‌وه‌ی كه ئه‌نجومه‌نی سه‌ركردایه‌تی بڕیاریدا كه رۆژی ٩/١٢/٢٠١٩ له سه‌رجه‌م مه‌ڵبه‌نده‌كانی (یه‌كێتیی نیشتمانیی كوردستان) كۆنفره‌نسی مه‌ڵبه‌نده‌كان به ئه‌نجام بگه‌یه‌ندرێت تا له رۆژی ٢١/١٢/٢٠١٩ چواره‌مین كۆنگره ببه‌ستین، بۆ ئه‌و مه‌به‌سته لیژنه‌ی بالای هه‌ڵبژاردنه‌كان ته‌واوی پێداویستییه‌كانی پرۆسه‌ی به‌ڕێوه‌بردنی كۆنفره‌نسی ئاماده‌كرد له رۆژی ٩/١٢/٢٠١٩ له ته‌واوی مه‌ڵبه‌نده‌كان به‌ڕێوه‌چوو، تواندرا له كه‌شێكی ئازاد و هه‌ست كردن به به‌رپرسیارێتی و ته‌واوكاری قۆناغه‌كانی دیكه‌ی كۆنفره‌نسه‌كه به سه‌ركه‌وتویی ئه‌نجام بدرێت بۆیه جێگه‌ی خۆیه‌تی ده‌ست خۆشی له هه‌موو ئه‌ندامانی به‌شداربووی كۆنفره‌نسه‌كان بكه‌ین و پیرۆزیبایی له كاندیده سه‌ركه‌وتووه‌كان بكه‌ین كه ده‌رچوون و بوونه ئه‌ندامی چواره‌مین كۆنگره هه‌روه‌ها سوپاسی ئه‌و هه‌ڤاڵانه‌ش ده‌كه‌ین كه كاندید بوون و سه‌رنه‌كه‌وتن بۆ ئه‌ندامێتی كۆنگره و به گیانێكی هه‌ست كردن به به‌رپرسیارێتییه‌وه و به رۆحێكی هه‌ڤاڵانه‌وه هاوكارمان بوون له سه‌رخستن و سه‌ركه‌وتنی پرۆسه‌كه‌دا، تا ڕوویه‌كی جوانی ئازادی و دیموكراسی له‌ناو یه‌كێتیی ده‌ربخه‌ین مه‌ڵۆیه‌كی دیكه بخه‌ینه سه‌ر خه‌رمانی مێژووی پڕ خه‌باتی یه‌كێتیی نیشتمانیی كوردستان، كه بووه كه‌رنه‌ڤاڵێكی گه‌وره و توانیمان بۆ دۆست و نه‌یاره‌كانمان بسه‌لمێنین یه‌كێتیی نیشتمانیی كوردستان ئه‌و هێزه گه‌وره‌یه‌یه و كه هه‌میشه پێشه‌نگ بووه به بڕوابوون به ئازادی و دیموكراسی و مافی تاك و سوپاسی ته‌واوی ئه‌و هه‌ڤاڵانه‌ش ده‌كه‌ین كه به درێژایی ئه‌م ماوه‌یه له لیژنه باڵاكانی به‌ڕێوه‌بردنی كۆنفره‌نسی كۆمیته‌كان و مه‌كته‌به‌كان و مه‌ڵبه‌نده‌كاندا رۆڵی گرنگیان هه‌بوه له سه‌رخستنی ئه‌م پرۆسه‌یه هه‌روه‌ها سوپاس و پێزانینمان ئاراسته‌ی ده‌زگاكانی راگه‌یاندنی یه‌كێتیی نیشتمانیی كوردستان بكه‌ین كه رۆڵی به‌رچاویان هه‌بووه له روماڵ كردنی پرۆسه‌كه‌دا، هه‌ر بۆیه لێره‌داناوی به‌شێك له كاندیده سه‌ركه‌وتووه‌كان راده‌گه‌یه‌نین كه وردبینی كۆتاییان بۆكراوه ، ڕایده‌گه‌یه‌نین له كۆتایدا هیوامانه بتوانین به هه‌وڵی هه‌موومان كۆنگره‌یه‌كی سه‌ركه‌وتوو ببه‌ستین كه له ئاست پێگه و گه‌وره‌یی یه‌كێتیی نیشتمانیی كوردستاندابێت، له‌سه‌ر هه‌مان ڕێبازی سه‌رۆك مام جه‌لال.
سه‌ركه‌وتن بۆ چاره‌مین كۆنگره
هه‌ر شه‌كاوه‌بێت ئاڵای سه‌وزی یه‌كێتیی
رزگار عه‌لی حه‌مه‌جان
سه‌رۆكی لیژنه‌ی باڵای هه‌ڵبژاردنه‌كان
١١/١٢/٢٠١٩
لە تۆڕە کۆمەڵایەتیەکان شەیری بکە
