ژمارەیەك رێكخراوی كوردی بەشداریان لە كۆنگرەی رێكخراوی قەدەغەكردنی چەكی كیمیایی كردژمارەیەك لە رێكخراوە كوردییەكانی باشوور و رۆژهەڵاتی كوردستان، بەشداریان لە 24 هەمین كۆنگرەی ساڵانەی، رێكخراوی قەدەغەكردنی چەكی كیمیایی لە وڵاتی هوڵەندا كرد. شێخ فەتاح شێخ ئەمین ڕاوێژكاری رێكخراوی چیرۆكانی ئەنفال زانیاری زیاتری لەبارەی كۆنگرەكە و بەشداری رێكخراوە كوردییەكان لە كۆنگرەدا خستەڕوو و رایگەیاند: ساڵانە بۆ بەئاگاهێنانەوەی وڵاتان، كۆنگرەی رێكخراوی قەدەغەكردنی چەكی كیمیایی بەڕێوەدەچێت و وەك نوێنەرانی باشووری كوردستان بەشداریمان كرد و وتاری رێكخراوەكەشمان خوێندرایەوە، كە تیایدا تیشكخرابووە سەر ئەو كۆمەڵكوژییە ناڕەوایانە كە لە رابردوودا بەرامبەر گەلی كورد ئەنجامدراون. راشیگەیاند: ئەو ئامار و داتایانەمان جارێكی تر بە گوێ ئامادەبواندا دایەوە كە لەو مەرگەساتانەدا زیاتر لە 180 هەزار ئەنفالكراوی كورد و 5000 هاوڵاتی هەڵەبجەی كیمیاباران كراوە، بۆیە شێخ فەتاح شێخ ئەمین راوێژكاری رێكخراوی چیرۆكانی ئەنفال لە ووتارێكدا لە بەردەم ئامادەبووان داوای قەدەغەكردنی چەكی كیمیایی كرد دەرهەق بە هەر نەتەوەیەك و لە نێویاندا گەلی كورد كە دەبێتە هۆی خوڵقاندنی چەندان مەرگەسات.لە لایەكی ترەوە لە میانی پەراوێزی كارەكانی كۆنگرەكەدا بە بەشداری ڕەوەندی كوردی و لە كۆمیتەی رێكخستی یەكێتی لە دانهاخ ، دیمەن بەرزنجی سەرۆكی ڕێكخراوی چیرۆكەكانی ئەنفال و راویژكاری ڕاویژكاری رێكخراوەكە بەشداریان لە كۆرێكی یانەی میدیای كوردی كرد و سەبارەت بە رۆڵی رێكخراوە كوردیەكانی كۆمەڵی مەدەنی گفتوگۆ و بیر و ڕای پێویست ئاڵوگۆڕ كرا سەبارەت بە رێگری چەكی كیمایی مەترسیەكانی لەسەر مرۆڤایەتی.جێی وەبیرهێنانەوەیە كۆنگرەی ئەمساڵی، ڕێكخراوی قەدەغەكردنی چەكی كیمیایی كە كارەكانی لە شاری دانهاخ بەرێوەچوو، باڵیۆزانی 182 ووڵاًتی جیهانی و نوێنەرانی سەرۆكی ئەمریكا و ڕووسیا و نوێنەری ئەو دەوڵەتانەی خاوەنی كیمیاین و ژماریەك لە رێكخراوە كوردستانیەكانەكان بەشداربوون و چەندین ووتار و سیمیناریان تیایدا پێشكەشكرد، بەو ئامانجەی چەكی كیمیایی رێگری سەرتاسەری لێبكرێت لە هیچ ململانیەكدا هاوكێشەكانی پێ یەكلانەكرێتەوە.
