.
06:57 PM - 29/11/2019
وەزارەتی پلاندانانی عیراق ئاشكرایكرد: توانراوە بڕی 414 ملیار دینار بۆ سەرخستنی هەوڵەكانی دووبارە بنیاتنانەوەو ئاوەدانكردنەوەی پارێزگای نەینەوا تەرخان بكرێت.
لەو بارەیەشەوە نوری سەباح دلێمی وەزیری پلاندانانی عیراق رایگەیاند: كە دوای وەرگرتنی داواكاریەكان بۆ ئەنجامدانی پرۆژە پێویست و خێراكان بۆ پارێزگاكە توانراوە بڕی 414 ملیارو 762 ملیۆن دینار بۆ ئاوەدانكردنەوەی نەینەوا تەرخان بكرێت .
وتیشی: پرۆژەكان زیاتر خۆیان لە ئەنجامدانی پرۆژە خزمەتگوزاریەكانی وەكو دروستكردنی قوتابخانەو نەخۆشخانەو پرۆژەكانی شارەوانی و رێگاوباندا دەبینێتەوەو هەروەك چەند پرۆژەیەكی تریش لەبوارەكانی گواستنەوەو گەیاندن و كارگەكان و خانوبەرەدا جێبەجێ دەكرێن.
هەروەك، دەشیانەوێت لەو رێگایەوە سەقامگیری و ئارامی بۆ پارێزگاكە بگێرنەوەو دانیشتوانەكەشی لەشوێنی بنەرەتی خۆیان نیشتەجێ بكەنەوە.
لە تۆڕە کۆمەڵایەتیەکان شەیری بکە
