.
12:34 PM - 25/11/2019
یانەی هیلالی سعودی بوە پاڵەوانی خولی یانەپاڵەوانەكانی ئاسیا ئەمەش دوای ئەوەی لە یاری گەڕانەوەی كۆتاییدا رووبەڕووی یانەی ئۆراوا رێد دیامۆن دزی ژاپۆنی بووەوە یاریەكە لە یاریگای سایتامای تایبەت بەیانە ژاپۆنیەكە بەڕێوە چوو لەگەڵ فیكەی دەست پێكی ناوبژیوان یاریزانانی هەردوو یانە بە هێرش بردن دەستیان بە یاری كرد بە تایبەت یاریزانانی یانەی ئۆراوا چونكە لە یاری چوندا بە گۆڵێكی بێوەڵام دووچاری دۆڕاندن هاتبوون بەڵام لەو گێمەدا هیچ لایەك لە تۆمار كردنی گۆڵ سەركەوتونەبون لە گێمی دووەمدا یاریزانانی هیلال باشتر دەركەوتن و لە دەقیقەی 74 سالم دۆسەری گۆڵی یەكەمی بۆ تۆمار كردن لەدوای ئەو گۆڵە یاریزانانی یانەی میواندار هێرشەكانیان چڕ كردووە لە پێناو تۆمار كردنی گۆڵ و ئەنجامەكە یەكسان بكەنەوە بە ڵام لە دەقیقەی 3 كاتی زیادكراوی گێمی دووەمدا و لە ئەنجامێكی هێرشێكی هەڵگەڕاوەدا بافتیمبی گۆمێز گۆڵی دووەمی بۆ یانەی هیلال تۆمار كرد بەم بردنەوەیەش یانی هیلال توانی بۆجاری سێیەم لەمێژووی خۆیدا نازناوەكە بەدەست بهێنێت .
لە تۆڕە کۆمەڵایەتیەکان شەیری بکە
