.
06:23 PM - 23/11/2019
شارەزایەكی بواری ئابوری پێی وایە بەردەوامی داخستنی بەندەرە دەرییایەكان لە عیراق دەبێتە هۆی بەرزكردنەوەی نرخی كاڵاو پێداویستیە خۆراكیەكان لە بازارەكانی ناوخۆدا.
لەوبارەیەشەوە (باسم ئەنتوان) شارەزای بواری ئابوری رایگەیاند: چەند جار دووبارەكردنەوەی داخستنی بەندەرە ئاوییەكانی عیراق زەنگێكی مەترسیدارە بۆ رەخساندنی دەرفەت بۆ بازرگانە هەل پەرستەكان تاوەكو نرخی خۆراك و كاڵاكان لەبازاردا بەرزبكەنەوە.
وتیشی بەندەرەكان سەرچاوەیەكی گرنگی ئابوری و ئاڵوگۆی كاڵاو شمەكن بۆ عیراق لەگەڵ ووڵاتانی دەرەوە و زیان پێگەیاندنیان كاریگەری خراپ و مەترسیدار لەسەر عیراق دروست دەكات.
ئاماژەی بەوەشدا كە بەندەرەكان برێكی زۆریان لە خۆراك و دەرمانی كۆگاكراو تێدایە كە رێگە نەدان بە گواستنەوەیان بۆ بازارەكان رەنگە رووبەرووی خراپبوون و تێكچوونیان بكاتەوە و بەوەش وێرای زیانە داراییە گەورەكەی بۆ بازارەكانیش خراپەو نرخەكان بەرزدەكاتەوە.
لە تۆڕە کۆمەڵایەتیەکان شەیری بکە
