.
02:39 PM - 20/11/2019
هەڤاڵ سەعدی ئەحمەد پیرە ئەندامی مەكتەبی سیاسی و لێپرسراوی مەكتەبی پەیوەندییە گشتییەكانی یەكێتی نیشتمانی كوردستان پرسەنامەیەك ئاراستەی بەرێز عومەر شێخ موس دەكات بەبۆنەی كۆچی دوایی خاتوو ئەگنیتا-ی هاوسەرییەوە.
بە‌داخ و پە‌ژارە‌یە‌كی زۆرە‌وە، هەواڵی كۆچی دوایی خاتوو ئەگنیتا ، تێكۆشەڕی دێرینی یەكێتی نیشتمانی كوردستان و هاوسەری بەرێز عومەر شێخ موس ئەندامی دەستەی دامەزرێنەری یەكێتی نیشتمانی كوردستان- مان پێگەیشت.
بە‌ناوی سە‌رجە‌م ئە‌ندام و كادیر و كارمە‌ندانی مەكتەبی پەیوەندییە گشتییەكانی یەكێتی نیشتمانی كوردستان، پرسە و سە‌رە‌خۆشی خۆمان ئاراستەی هەڤال عومەر شێخ موس و خانەوادەی ئەگنیتاخان دەكەین و لە‌خوای دلۆڤان دە‌پارێینە‌وە خوالێخۆشبوو بەبەر رەحمەتی خۆی بخات و سێبوری كەس و كاری بدات.
خاتو ئەگنیتا، هاوڵاتییەكی سویدییە، چەندین ساڵ وەك پێشمەرگە لە شاخەكانی كوردستان هاوشانی بەڕێز عومەر شێخ موس - ی هاوسەری بەشداری شۆڕشی نوێی گەلەكەمانی كردوە دژی رژێمی بەعسی لەناوچوو، لە ئەوروپاش وەك دۆستێكی نزیكی گەلی كورد لە هەموو چالاكییە سیاسی و كۆمەڵایەتی و ڕۆشنبیرییەكان بەشداریكردووە.
انا للە و انا الیە راجعون
سەعدی ئەحمەد پیرە
لێپرسراوی مەكتەبی پەیوەندییەكان
٢٠/١١/٢٠١٩
لە تۆڕە کۆمەڵایەتیەکان شەیری بکە
