.
02:34 PM - 20/11/2019
هەڤاڵی بەڕێز عومەر شێخ موس
سڵاوێكی گەرم ...
هەواڵی كۆچی دوایی خاتوو (ئهگنیتا) ی هاوژینی بەڕێزتان و یهكهمین پێشمهرگهی بیانی ناو ریزەكانی یهكێتی نیشتمانی كوردستان لەدڵەوە خەمبار و نیگەرانی كردم.
كۆچكردوو لەڕۆژگارێكی سەختدا و لەسەرەتای ساڵانی هەشتا، وڵاتی سویدی و خۆشگوزەرانییەكانی ژیانی رۆژئاوای جێهێشت و بە هەڵگرتنی چەكی شەرەفی كوردایەتی و پێشمەرگایەتی لە شاخەكانی كوردستان هەموومانی قەرزار و لە هەمان كاتیشدا لەبەرچاوی دنیا سەربەرز كرد.
بەم بۆنە كارەساتبارەوە خۆم بەهاوبەشی خەمتان دەزانم و پرسەو سەرەخۆشی گەرم ئاڕاستەی ئێوەی تێكۆشەر و ھاوڕێی و هاوسەنگەری مام جەلال و خێزان و دۆستان و ئەزیزانی (ئەگنیتا خان) دەكەم.
بەهەشتی بەرین و نەمریی هەمیشەیی بۆ كۆچكردوو بێت و سەبوری و ئارامگرتنیش بۆ بەڕێزتان لەخوای گەورە داواكارم.
روحی شاد بێت
قوباد تاڵەبانی
جێگری سەرۆكی ئەنجومەنی وەزیران
لە تۆڕە کۆمەڵایەتیەکان شەیری بکە