تاوەكو 26ی مانگ مووچەی سەرجەم مووچەخۆران دابەشدەكرێت

.

8016 جار بینراوە

11/16/2019 -



لە سبەینێوە دەست بەدابەشكردنی مووچەی مانگی ئاب دەكرێتەوە‌و تاوەكو 26ی ئەم مانگەش كۆتایی بەدابەشكردنی مووچەی سەرجەم مووچەخۆران دەهێندرێت.
بەگوێرەی خشتەیەك كە وەزارەتی دارایی بڵاویكردۆتەوە، سبەینێ‌ 17ی مانگ مووچەی وەزارەتی كار‌و كاروباری كۆمەڵایەتی و خاوەن پێداویستییە تایبەتەكان دابەشدەكرێت، رۆژی دووشەممەش مووچەی ئەنجومەنی دادوەری‌و رۆژی سێشەممە مووچەی وەزارەتی داد دابەشدەكرێت.
هەروەها چوارشەممە مووچەی وەزارەتەكانی ناوخۆ، خوێندنی باڵا، ئەوقاف، سامانە سروشتیەكان، هێزەكانی زێرەڤانی،  ئەنجومەنی ئاسایش، دەزگای گشتی ئاسایش، هێزی بەرگریی‌و فریاكەوتن، بەڕێوەبەرایەتی گشتی ڕەگەزنامە‌و پۆلیسی نەوت و گاز دابەش دەكرێت.
رۆژی پێنجشەممەش مووچەی  وەزارەتەكانی شارەوانی‌، كشتوكاڵ، كارەبا، پلاندانان، گواستنەوە، دەستەكانی مافی مرۆڤ، وەبەرهێنان، دەستپاكی، ژینگە، ناوچە كوردستانییەكانی دەرەوەی ئیدارە هەرێم، دیوانی‌چاودێری‌دارایی، كۆمسیۆنی هەڵبژاردن و دەزگای گشتی كاروباری مین دابەش دەكرێت.
هەروەها رۆژی 24ی مانگیش مووچەی وەزارەتەكانی پیشەسازی، رۆشنبیری، ئاوەدانكردنەوە‌و هەرسێ‌ سەرۆكایەتیەكەی هەرێم دابەش دەكرێت‌و رۆژی 25ی مانگ مووچەی خانەنشینانی پێشمەرگە‌و رۆژی 26ی مانگیش مووچەی خانەنشینانی شارستانی دابەش دەكرێت.

زۆرترین خوێنراو

ڤیدیۆکەت بنێرە
  • ئەتوانن ئەم جۆرە ڤیدیۆیانە بنێرن


  •  
     
     
     
     
     
زانستی
وەزارەتی خوێندنی باڵا فەرمانی دامەزراندنی سێ یەکەمەکان دەردەکات

پاڵپشت بە بڕیاری سەرۆکایەتی ئەنجومەنی وەزیران، وەزارەتی خوێندنی باڵا و توێژینەوەی زانستی فەرمانی وەزاری دامەزراندنی سێ یەکەمەکانی ساڵی خوێندنی (٢٠١٥-٢٠١٦) ئاراستەی گشت زانکۆکانی کوردستان دەکات بەمەبەس زیاتر