.
11:25 AM - 12/11/2019
ئەمرۆ تیروپشكی یاریەكانی پاڵەوانێتی جامی سوپەری ئیسپانیا راكێشرا كە لەوڵاتی سعودیە و لەمانگی یەكی ساڵی داهاتوو بەرێوە دەچێت پاڵەوانێتی جامی سوپەری ئەمجارە بەبەشداری 4 یانە ئەنجام دەدرێت بەجۆرێك یانەی بەرشەلۆنە وەك پاڵەوانی لالیگا و یانەی ڤالانسیا وەك پاڵەوانی جام و ئەتڵەتیكۆمەدرید وەك دووەمی لالیگا و ریاڵ مەدرید وەك خاوەن پلەی سێیەم بەشداری دەكەن و یاریەكانیش لەنێوان رۆۆژانی 8 بۆ 12ی مانگی یەكی داهاتوو بەرێوە دەچن لەمەراسیمی تیروپشكەكە سێرجیۆ رامۆسی كاپتنی ریاڵ مەدرید و گایای یاریزانی ڤالانسیا و سێرجیۆ بۆسكێتسی یاریزانی بەرشەلۆنە و سائول نیگویزی یاریزانی ئەتڵەتیكۆمەدرید بەشدارییان تیادا كرد ئەنجامی تیروپشكەكە لەقۆناغی پێش كۆتایی یانەكانی بەرشەلۆنە و ئەتڵەتیكۆمەدریدی روبەروی یەك كردەوە بەڵام ریاڵ مەدرید لەبەرامبەر ڤالانسیا یاری دەكات لەئەگەری بردنەوەی یانەكانی بەرشەلۆنە و ریاڵ مەدرید لەقۆناغی پێش كۆتایی ئەوا یاری كۆتایی پاڵەوانێتی یەكە كلاسیكۆیەكی نوێ بەخۆوە دەبینێت كە هەواداران و هاندەرانی ئەو دوو یانەیە چاوەرێی دەكەن جێی باسە لەرۆژی 8ی مانگی یەك ریاڵ مەدرید روبەروی ڤالانسیا دەبێتەوە لەرۆژی دواتردا هەردوو یانەی بەرشەلۆنەو ئەتڵەتیكۆمەدرید بەیەك دەگەن و یاری كۆتایش لەرۆژی 12ی هەمان مانگ ئەنجام دەدرێت
لە تۆڕە کۆمەڵایەتیەکان شەیری بکە