.
08:42 PM - 07/11/2019
بەڕێزان: بەڕێوەبەر و كارمەندانی كەناڵی هەولێری گەلی كوردستان
لەبیست و هەشتەمین ساڵیادی دامەزراندنی كەناڵی هەولێری تەلەفزیۆنی گەلی كوردستان پیرۆزبایی گەرمی خۆم ئاراستەی یەكە یەكەی كارمەندان دەكەم و هیواخوازم ڵە پێشكەوتنی بەردەوامدا بن.
٢٨ ساڵ لەمەوبەر، لە كات و ساتی ڕاپەرین و ڕزگاركردنی كوردستاندا، وەك دەستپێشخەری میدیایی و لەپێناو دروستكردنی پردی پەیوەندی نێوان هاووڵاتیان و دەسەڵات یەكێتی نیشتمانی كوردستان لە سلێمانی و هەولێر كەناڵی گەلی كوردستانی دامەزراندو بووە مینبەری هەولێرییەكان و تا ئێستاش بەردەوامە.
ئەمڕۆ كە ٢٨ ساڵ تێپەڕدەبێ بەسەر تەمەنی كەناڵە ئازیزەكەتاندا، لەكاتێكدا ئێستا كەناڵەكەتان پەخشی ٢٤ كاتژمێری هەیە لەهەموو كوردستاندا و لەڕابردوودا یەكێتیانەو دڵسۆزانەو كوردانە كارتان كردووە، هیوادارم لە داهاتووشدا بەهەمان ڕۆحیەتی جارانەوە كاربكەن و هەر لە سەركەوتن و پێشكەوتنی بەردەوامدا بن.
كۆسرەت ڕەسوڵ عەلی
جێگری سكرتێری گشتی
یەكێتی نیشتمانی كوردستان
لە تۆڕە کۆمەڵایەتیەکان شەیری بکە