.
01:38 PM - 04/11/2019
هەروەها لە یاری لوتكەی هەفتەی یانزەیەمی خولی یانەكانی ئیتاڵیا ئەی سی میلان لە یاریگای سان سیرۆ پێشوازی لازیۆی كرد لە سەرەتای یاریەكەوە یاریزانانی لازیۆ بە ئاستێكی بەرزەوە دەركەوتن و لە دەقیقەی 25 یشدا چیرۆ ئیمۆ بیلی گۆڵی پێشكەوتنی یانەكەی تۆماركرد دوا بە دوای ئەو گۆڵەش یاریزانانی میلان فشارێكی زۆریان خستە سەر گۆڵی یانەی میوان و هەر بەو هۆیەشەوە لە دەقیقەی 28 دا كیسینگا بارتۆلۆمۆ بە هەڵە گۆڵێكی لە یانەكەی تۆماركرد و ئەنجامەكەی بۆ رۆسۆنێری هاوسەنگ كردەوە لە گێمی دووەمدا یاریزانانی لازیۆ توانیان كۆنترۆڵی نێو یاریگا بكەن و چەندین هێرشی ترسناكیشیان خستە سەر گۆڵی یانەی خاوەن یاریگا تا لە دەقیقەی 83 دا خواكین كۆریا گۆڵی پێشكەوتنی یانەكەی تۆماركرد و یاریەكەش بە 2 گۆڵ بەرامبەر بە گۆڵێك لە بەرژەوەندی یانەی لازیۆ تەواو بوو بەو بردنەوەیەش لازیۆ بۆ پلەی چوارەمی ریزبەندی سەركەوت و میلانیش دوای ئەو شكستە بۆ پلەی 11 دابەزی .
لە تۆڕە کۆمەڵایەتیەکان شەیری بکە