.
12:22 PM - 28/10/2019
كۆسرەت رەسوڵ عەلی جێگری سكرتێری گشتی یەكێتی نیشتیمانی كوردستان سەبارەت بەكوشتنی ئەبوبەكر بەغدادی سەركردەی گروپی تیرۆرستی داعش پەیامێكی بڵاوكردەوە و ڕایگەیاند: كوشتن و لەناوبردنی ئەبوبەكر بەغدادی سەركردەی ڕێكخراوی تیرۆریستی داعش هەواڵێكی دڵخۆشكەرە بۆ گەلی كوردستان، ئەو گەلەی بەنوێنەرایەتی هەموو دنیاو بەهاوكاری هاوپەیمانان شەڕی دڕندەترین ڕێكخراوی تیرۆریستی جیهانی كردو سەدان ڕۆڵەی قارەمان و گیانفیدامان بوونە قوربانی دڕندایەتییەكانی ئەو ڕێكخراوە تیرۆرستیە و دواجار ئیرادەی گەلەكەمان و ئازادیخوازانی دنیا سەركەوت و كۆتایی ڕەش و تاریكیش بۆ تیرۆرستان و تاریكپەرستانە.
كۆسرەت ڕەسوڵ عەلی تەئكیدی كردۆتەوە: وێڕای دەستخۆشییان لە هاوپەیمانان و كۆمەڵی نێودەوڵەتی، دووپاتی دەكەنەوە پێویستە بازنەی بەرەنگاربوونەوەی تیرۆرو لەناوبردنی بیری توندڕەوی یەكجارەكی فراوانتر بكرێ و هەوڵی زیاتر بخرێتەگەڕ بۆ كۆتایی هێنان بەتیرۆرستان و پاراستنی جیهان لە پیلانگێڕییەكانیان، ئێستاش مەترسییەكانی تیرۆر كۆتایی نەهاتووە.
لە تۆڕە کۆمەڵایەتیەکان شەیری بکە