.
12:39 PM - 22/09/2019
كۆسرەت ڕەسول عەلی جێگری سكرتێری گشتی یەكێتی نیشتمانی كوردستان لە شاری سلێمانی پێشوازی لە ئۆلیڤیێ دیكۆتینێ كونسوڵی گشتی فەڕەنسا لە هەرێمی كوردستان كرد.
لە دیدارێكدا كە شاڵاو كۆسرەت رەسوڵ ئەندامی سەركردایەتی و لێپرسراوی مەڵبەندی هەولێر ئامادەی بوو، كۆسرەت رەسوڵ پیرۆزبایی دەست بەكاربوونی لە كونسوڵی نوێی فەڕەنسا لەهەرێم كرد و هیوای خواست لەبواری سیاسی و فەرهەنگی و كلتووری و ئابووریدا رۆڵی خۆی بگێڕێت.
هەر لە دیدارەكەدا دۆخی كوردستان و عێراق و پەیوەندی نێوان لایەنە سیاسییەكان گفتوگۆیان لەبارەوە كراو هەردوولا سەرنج و دیدو تێڕوانینەكانی خۆیان خستەڕوو.
پەیوەست بەڕای رەسمی یەكێتی بۆ پرسی گفتوگۆكانی نێوان هەرێم و بەغداش كۆسرەت رەسوڵ رایگەیاند یەكێتی لەگەڵ پەرەپێدانی پەیوەندییەكان و دۆزینەوەی ڕێگاچارەی گونجاوی دەستووریە بۆ چارەسەری بنەڕەتی كێشەكان بەشێوەیەكی شەفافانە.
هاوكات گفتوگۆی وردو جدی لەبارەی دۆخی هەرێمی كوردستان و پەیوەندی نێوان لایەنەكان سیاسیەكان كراو جێبەجێكردنی ناوەرۆكی ڕێكەوتنەكان وەك گرەنتیەك بۆ سەركەوتنی كاری حوكمڕانی لە هەرێم خرایە بەرباس.
دۆخی كەركوك و ناوچەكوردستانیەكانیش تەوەرێكی تری گفتوگۆكان بوو، هەردوولا هاوڕابوون كەپێویستە بارودۆخی كەركوك و سەرجەم ناوچە كوردستانیەكان ئاسایی بكرێتەوە و كورد بەیەكدەنگی و یەكوتاری خۆی بۆ هەڵبژاردنەكان و گۆڕانكاریەكانی ناوچەكە ئامادە بكات.
لە تۆڕە کۆمەڵایەتیەکان شەیری بکە