لە وڵاتی هۆڵەندا لەلایەن كۆمەڵەی پێشمەرگە دێرینەكانی یەكێتیەوە ، بە سەرپەرشتی ئەكرەم محمد ئەمین لێپرسراوی لقی هۆڵەندای كۆمەڵەی پێشمەرگە دێرینەكان مەدالیایی ڕێزلێنان بەخشرایە كەسوكاری سەربەرزی شەهیدان و ژنی شاخ و پێشمەرگەی دێرین و ئەندامان و دڵسۆزانی یەكێتی و كەسانی دڵسۆز بۆ گەل و نیشتیمان.لە رێوڕەسمەكەدا حاكم قادر كارگێری مەكتەبی سیاسی ی.ن.ك لە ڕێگەی تەلەفونەوە وتەیەكی پێشكەشكرد و تیشكی خستەسەر گۆڕانكارییەكان و پەیوەندییەكانی هەرێم و بەغدا و ناوخۆی كوردستان و یەكێتی ، دواتر ئامادەبووان خەڵاتكردنیان بەرزنرخاند وپەیمانیان دووپاتكردەوە لە پێناوی پاراستنی دەستكەوتەكانی یەكێتی دڕێغی نەكەین.