.
06:07 PM - 08/06/2019
لەچەند رۆژی رابردوودا، ناوەندی رۆشنبیری رەهەند لەدرێژەی پرۆژە رۆشنبیرییەكانیدا شەش كتێبی نوێی ئەدەبی و زمانەوانی و فەلسەفی چاپ و بڵاوكردەوە، كە بریتیی بوون لە (مێژووی زمان، چەپ و مۆدێرنە، كچانی چیرۆكخوان، خۆرهەڵات و لەبیركراوەكانی، مێژووی خۆبەرهەمهێنانەوە، ساردیی و دڵرەقیی).
شەش كتێبە نوێیەكەی ناوەندی رەهەندو ئەو كتێبانەشی پێشووتر لەلایەن ناوەندەكەوە چاپ و بڵاوكراونەتەوە، كتێبگەلێكن كەبایەخی خۆیانیان هەیەو سەرجەمیان لەو كتێبانەن كەبۆخوێنەری ئاسایی و جددی كورد گرنگیی تایبەتیان هەیە.
زانیاری تەواو دەربارەی كتێبە نوێیەكانی ناوەندی رۆشنبیری رەهەند
- چەپ و مۆدێرنە، چوارەمین كتێبی پرۆژەی نێگەتیڤەو كۆكراوەی چەند بابەت و لێكۆڵینەوەیەكە دەربارەی چەپ و مۆدێرنە.
- ساردیی و دڵرەقیی، كتێبێكە بۆ تێگەیشتن و شیكردنەوەی هزری ساشەر مازۆخ
- مێژووی خۆبەرهەمهێنانەوە، خوێندنەوەی سێ رۆمانی (بەختیار عەلی)ییە.
- خۆرهەڵات و لەبیركراوەكانی، چەند نووسین و رەخنەو خوێندنەوەیەكە دەربارەی رۆمانی دەریاس و لاشەكان
- كچانی چیرۆكخوان، چەند چیرۆكێكی وەرگێڕدراوە
- مێژووی زمان، كنەكردن و شیكردنەوەیە بەناو كات و شوێندا
لە تۆڕە کۆمەڵایەتیەکان شەیری بکە