.
01:01 PM - 08/06/2019
مەیمونێك لەوڵاتی لوبنانەوە بەرەو خاكی ئیسرائیل هەڵهات و نەتەوەیەكگرتووەكان بەشداریكرد لەگێڕانەوەی ئەو مەیمونە بۆ خاوەنەكەی.
پێش چەند رۆژێك مەیمونێك كەخاوەنەكەی راهیبەیەكی فەرەنسیە بەناوی بیاتریس موجیە و لە شارۆچكەی قەوزح باشووری لوبنان لەسەر سنوور نیشتەجێیە توانی هەڵبێت و سەرجەم رێوشوێنە ئەمنیەكانی سەر سنوور تێپەڕینێت و بچێتە خاكی ئیسرائیل.
لەدوای هەڵاتنی ئەو مەیمونە كەناوی تەشتوشە خاوەنەكەی لەرێگەی تۆڕی كۆمەڵایەتی فەیسبووك پەیامێكی بۆ دۆزینەوە و گێڕانەوەی بڵاوكردەوە، بەهۆیەوە نەتەوەیەكگرتوەكان بەشداری كرد لەگێڕانەوەی ئەو مەیمونە لەئیسرائیلەوە بۆ لوبنان، چونكە تائێستا ئەو دوو وڵاتە بەڕەسمی لەحاڵەتی جەنگدان.
ئەو مەیمونە لەناو خاكی ئیسرائیل گیرا و تەسلیمی هێزەكانی ئاشتی پارێزی نەتەوەیەكگرتوەكان كرا بۆ ئەوەی بیگێڕنەوە بۆ خاوەنەكەی لەلوبنان.
لە تۆڕە کۆمەڵایەتیەکان شەیری بکە
