.
05:04 PM - 10/02/2019
خانمە دیزاینەر پەرەژاڵ فەرەج، سەرقاڵی دیزاینی كۆلێكشنێكی نوێیە لەجل و بەرگی خانمان بۆ نەورۆزو وەرزی بەهاری ئەمساڵ، كە چەندین تایبەتمەندی نوێی لەخۆی گرتووە، لەو بارەیەوە (پەرەژاڵ فەرەج) بە(گەلی كوردستان)ی وت "كۆلێكشنە نوێیەكەی جل وبەرگی مۆدەیەو بۆ وەرزی بەهارو نەورۆزی ئەمساڵ گونجاوە، سەبارەت بەرەوانەكردنی بەرهەم و دیزاینەكانیشی بۆ دەرەوەی هەرێمی كوردستان، پەرەژاڵ ئاشكرایكرد كەلەگەڵ كۆمپانیایەكی تایبەت بەنمایشی جلوبەرگدا گرێبەستی كردووەو بەرهەمەكانی لە وڵاتانی دەرەوە نمایش دەكرێت و وێستگەی یەكەمی نمایشی كارەكانیشی رەوانەی وڵاتی دوبەی دەكرێت، وتیشی لۆگۆی (pazha couture ) كە كروتكراوەی ناوی خۆیەتی لەسەر بەرهەمەكانی جێگیركراوە. لەبارەی كاریگەری كارەكەی لەسەر ژیانی تایبەتی و ژیانی خێزانی، (پەرەژاڵ) ئاسودەبوونی خۆی بەكارەكەی دووپاتكردەوەو وتیشی هیچ كاریگەرییەكی نەرێنی لەسەر ژیانی تایبەتی و ژیانی خێزانی نەبووە.
پەرەژاڵ فەرەج یەكێكە لەخانمە دیزاینەرەكان و لەماوەی رابردووشدا یەكێك بوو لەبەشداربووە سەركەوتووەكانی پێشبڕكێی دیزاینی جلوبەرگ، ئەم خانمە توانیوێتی لەماوەیەكی زۆركەمی كاركردنیدا، ئەزمون و پێگەیەكی باش بۆ خۆی و كارەكەی دروست بكات، هەروەك لەرێگەی دروستكردنی كارگەیەكیشەوە، دەرفەتی كاركردنی بۆ چەند گەنجێك رەخساندووەو هانیان دەدات پەرە بەبەهرەو تواناكانی خۆیان بدەن.
ئەمەش نمونەی هەندێك لەدیزاینەكانی پێشووتریەتی.
لە تۆڕە کۆمەڵایەتیەکان شەیری بکە