.
07:33 PM - 27/12/2018
سەرلەئێوارەی ئەمڕۆ وەفدێكی یەكێتی نیشتمانی كوردستان بەسەرپەرشتی هەڤاڵ حاكم قادرحەمەجان ئەندامی دەستەی كارگێڕی مەكتەبی سیاسی یەكێتی نیشتمانی كوردستان و بەئەندامێتی هەریەك لەهەڤاڵان مەحمودسەنگاوی ئەندامی مەكتەبی سیاسی و حەسەن نوری ئەندامی سەركردایەتی یەكێتی نیشتمانی كوردستان , سەردانی هەڤاڵ وتێكۆشەری دێرین (سەڵاح سەعیدقەزاز)ناسراو بە(سەڵاح چاوشین) یان كردو لەمەراسیمێكی تایبەتدا هەریەك لەهەڤاڵان حاكم قادرو مەحمود سەنگاوی لەپای خەبات وتێكۆشانی وەك پێناسەی پێشمەرگەی بەوەفا وئازاو تێكۆشەرێكی شۆڕشی نوێی گەلەكەمان وكەسایەتی یەكی دیاری شاری سلێمانی وكۆمەڵگای كوردەواری بەگشتی , كەتەمەنێكی دوورو درێژی لەپێناو گەیشتنی گەلەكەمان بەئامانج ومافەڕەواو سەرفرازی گەلەكەمان , نیشانەی ڕێزلێنانی یەكێتی نیشتمانی كوردستان ومەدالیای ڕێزلێنانی كۆمەڵەی ڕێكخستنە دێرینەكانیان بەخشییە هەڤاڵ (سەڵاح چاوشین ) , لەو مەراسیمە تایبەتەدا وەفدی یەكێتی نیشتمانی كوردستان بەستایشەوە لەڕۆڵی ئەو فەرماندە وپێشمەرگە وتێكۆشەرە دێرینەیان بەرز نرخاندو ئومێدی لەشساغی وتەمەندرێژییان بۆ خواست .
لە تۆڕە کۆمەڵایەتیەکان شەیری بکە