.
08:58 PM - 02/02/2017
زاناكانی بەریتانیا ئاماژە بەدەستپێكردنی چاخێكی بەستەڵەكی لەسەر زەوی دەكەن. ژمارەیەك لەزاناكان لەزانكۆی نۆرسمبیریای بەریتانی لە توێژینەوەیەكیاندا گەیشتوونەتە ئەو دەرەنجامەی زەوی چۆتە ناو چاخێكی بەستەڵەكی بچووكە و وەرزی زستانی ئەمساڵیش سەرەتای ئەو چاخە بەستەڵەكیە دەبێت. راشیدەگەیەنن: لەساڵی 2030 چاخە بەستەڵەكییەكە دەگاتە لوتكەی. بەپێی توێژینەوەكەی زانایانی زانكۆ بەریتانییەكە كە چاودێری پەڵە رەشەكانی سەر خۆر دەكەن ، ئەوەیان راگەیاندووە ژمارەی ئەو پەڵە رەشانەی سەر رووی خۆر بەرەو كەمبوونەوە دەچن و چالاكییەكانی خۆریش لەدوای 13 ساڵ لە ئێستاوە ، بەرێژەی 60% بەرەو كەمبوونەوە دەچن , لەگەڵ ئەوەشدا زاناكان ئاماژەیان بەوەشكردووە درك بەوەناكرێت بەهۆی ئەو چاخە بەستەڵەكییەوە پلەكانی گەرمای زەوی بۆ چەند پلە دادەبەزێت
لە تۆڕە کۆمەڵایەتیەکان شەیری بکە