.
10:15 AM - 10/11/2025
کۆمیسیۆنی باڵای سەربەخۆی هەڵبژاردنەکانی عیراق رایگەیاند، ژماردن و جیاکردنەوەی دەستی و ئەلیکترۆنیی دەنگدانی تایبەت هاوتای یەک بوون، ئاماژە بۆ ئەوەش دەکات تا ئێستا چوار سکاڵا تۆمار کراون.
جومانە غەلای، وتەبێژی کۆمسیۆنی عیراق رایگەیاند، پرۆسەی جیاکردنەوەی ئەلیکترۆنی و دەستی دەنگەکان کۆتاییهاتووە، ئەنجامەکان هاوشێوەی یەکتربوون.
ئاماژەی بەوەشکردووە، دوای ئەوەی لە ئەنجامەکان دڵنیابوونەتەوە، کۆپییەکی ئەنجامەکان رادەستی نوێنەری حیزب و هاوپەیمانییە سیاسییەکان کراوە.
ڕۆژی یەکشەممە 9ـی 11، بنکەکانی دەنگدان لە سەرانسەری عیراقدا دەرگاکانیان بەڕووی دەنگدەرانی دەنگدانی تایبەتدا بۆ شەشەمین خولی هەڵبژاردنی پەرلەمانی عیراق کردەوە و ڕێژەی دەنگدان 82.42% بوو.
لە تۆڕە کۆمەڵایەتیەکان شەیری بکە
