کەناڵی ئاسمانی گەلی کوردستان

  Live

هەواڵەکان

یەكێتیی مامۆستایانی كوردستان داوای جێبەجێكردنی داواكاری رەوای مامۆستایان دەكات

.

10:05 AM - 15/05/2024

یەكێتیی مامۆستایانی كوردستان لە ساڵیادی دامەزراندنی یەكێتیەكەیان پەیامێكی بڵاوكردەوە و ئاماژەی بەوەدا، 15ی ئایار 2024 یەكێتیی مامۆستایانی كوردستان 62 ساڵ لە تەمەنی پڕ لە بەرهەمی خۆی تەواو دەكات، دەشڵێت: لای كۆمەڵانی خەڵكی كوردستان ئاشكرایە یەكێتیەكەیان لە دەستپێكی دامەزراندییەوە تا ئەم كاتە دوانەی خەباتی پەیڕەو كردووە، لەیەك كاتدا ئەركە پەروەردەیی و پیشەییەكانی خۆی بە باشترین شێوە راپەڕاندووە، لە هەمان كاتیشدا بە ئازایەتییەكی بێوێنەوە بەشداری بزووتنەوەی رزگاری خوازی گەلی كوردستان كردووە، ئەوەشی خستەڕوو، لەپێناوەدا زیاتر لە 480 شەهدی بەخشیوە، بڕیاریشی داوە بە حەماسەوە درێژە بە ئەركەكانی بدات تا كۆمەڵگەكەمان دەگاتە كەناری ئارام.

یەكێتیی مامۆستایانی كوردستان راشیگەیاندووە، لەم بۆنەیەدا هەوڵ و ماندووبوونی سەرجەم مامۆستایان لەسەرجەم قۆناغەكانی خوێندن بەرز دەنرخێنن.

هەر لە میانی پەیامەكەیدا، یەكێتیی مامۆستایانی كوردستان كۆمەڵێك داواكاری ئاراستەی لایەنە پەیوەندیدارەكان كردووە و رایگەیاندووە، لە ساڵیادی دامەزراندنی یەكێتیی مامۆستایانی كوردستان، بە پێویستی دەزانن سەرجەم داوا رەواكانی مامۆستایان جێبەجێ بكرێن.

لە تۆڕە کۆمەڵایەتیەکان شەیری بکە

سەرەوە