کەناڵی ئاسمانی گەلی کوردستان

  Live

هەواڵەکان

بوومەلەرزەیەكی بەهێز تایوانی هەژاند

.

09:26 AM - 03/04/2024

به‌ره‌به‌یانی ئه‌مڕۆ چوارشه‌ممه‌، بومه‌له‌رزه‌یه‌ك به‌ گوڕی 7.5 پله‌ به‌پێوه‌ری رێخته‌ر له‌ نزیك تایوان ڕوویدا و بوه‌ هۆی ده‌ركردنی هۆشداری تسونامی بۆ ئه‌و دورگانه‌ی كه‌ ده‌كه‌ونه‌ باشوری ژاپۆن.

ناوەندی بوومەلەرزەزانی تایوان (وو شین فو) بڵاویکردووەتەوە، بوومەلەرزەکەی بەرەبەیانی ئەمڕۆ چوارشەممە (3ی نیسانی 2024) بەهێزترین بوومەلەرزەیە لە 25 ساڵی ڕابردوودا دوای ئەو بوومەلەرزەیەی ساڵی 1999 بە پلەی 7.5 پلەی ڕێختەر تایوانی هەژاند و بەهۆیەوە 2400 کەس مردن.

لەبارەی زیانەکانەوە، وەزارەتی بەرگری تایوان ڕایگەیاندووە، بە گوێرەی زیانە سەرەتاییەکان دوو باڵەخانە رووخاون و ژمارەیەک باڵەخانەی دیکەش لە هوالین زیانیان پێگەیشتووە و هێزەکانیان بۆ ڕزگارکردنی خەڵکی ڕەوانەی چەند ناوچەیەک کردووە، هاوکات وەک ئامادەکارییەک بۆ کەمکردنەوەی زیانەکانی پاشلەرزە تەواوی ناوەندەکانی خوێندن و فەرمانگەکانیان داخستووە.

هەروەها، ده‌زگای كه‌شناسی ژاپۆن ڕایگه‌یاندوه‌، "پێشبینی ده‌كرێت ده‌ستبه‌جێ شه‌پۆلی تسونامی بگاته‌ دورگه‌ دوره‌كانی ژاپۆن له‌ نزیك تایوان، له‌نێویاندا دورگه‌ی میاكۆجیما".

لە تۆڕە کۆمەڵایەتیەکان شەیری بکە

سەرەوە