کەناڵی ئاسمانی گەلی کوردستان

  Live

هەواڵەکان

ڕاپەرین شانازییەکی دیکە بۆ یەکێتی

.

12:58 PM - 03/03/2024

ڕاپەرین شانازییەکی دیکە بۆ یەکێتی

 

 

‎عمر حاجی ئەحمەد 

‎٣٣ ساڵ بە سەر راپەڕینە مەزنەکەی کوردستاندا تێپەڕدەبێت کە لە ڕانیەی دەروازەی راپەڕینەوە دەستی پێکردو لە ماوەی چەند ڕۆژێکدا سەرجەم ناوچەکانی گرتەوە و لە کەرکوکی قودسی کوردستان گیرسایەوە.

‎راپەڕین گۆڕانکارییەکی گەورە بوو لە خەباتی سیاسیدا و هاووڵاتی و پێشمەرگە لە یەک سەنگەردا بوون، دەستکەوتێکی پرشنگدار بوو بۆ گەلێک کە ساڵەهای ساڵ خەونی بە ئازادییەوە دەبینی ، گەلێک کە ئەو هەموو زوڵم و ستەمەی بەعس نەیتوانی ئیرادەی بشکێنێت.

‎یەکێتیی نیشتمانیی کوردستان بە رابەرایەتی سەرۆک مام جەلال وەک هێزی یەکەمی داڕێژەری راپەرین بە کۆدی لە زمناکۆوە بۆ ئازاد بروسکەی راپەرینی لێدا و پەیامی ئازادیخوازی بۆ هەموو دنیا ناردو شانازییەکی دیکەی خستە سەر خەرمانی سەروەریەکانی .

‎گرنگە لە ئێستادا پارێزەری ئەو دەستکەوتانە بین کە لە سایەی راپەڕین و خوێنی سەدان شەهیدو ئازایەتی گەلێکەوە بەرهەم هات.

‎هەروەها پێویستە حکومەتی هەرێم کە یەکێکە لە بەرهەمەکانی راپەڕین ژیانێکی شایستەتر بۆ هاووڵاتیان دابین بکات و هەوڵی زیاتر بدات بۆ باشترکردنی دۆخ و گوزەرانی هاووڵاتییان .

 

‎لێپرسراوی مەڵبەندی ( ٩ ) ی شارەزوور

لە تۆڕە کۆمەڵایەتیەکان شەیری بکە

سەرەوە