کەناڵی ئاسمانی گەلی کوردستان

  Live

هەواڵەکان

وەزارەتی بازرگانی هەرێم: دەست بە دابەشكردنی بەشەخۆراكی مانگانە دەكرێت

.

06:50 PM - 02/03/2024

وەزارەتی بازرگانی هەرێم رایدەگەیەنێت، هەفتەی داهاتوو دەست بە دابەشكردنی بەشەخۆراك دەكرێت.

ئەمڕۆ شەممە نەوزاد شێخ كامیل، بەڕێوەبەری گشتیی بازرگانی و پیشەسازیی هەرێمی كوردستان ڕاگەیاند، لە سەرەتای مانگی ڕەمەزاندا دەست بە دابەشكردنی بەشەخۆراكەكە دەكەن كە لە 11 مادەی خۆراكی پێكدێت.

وتیشی، بۆ بەشەخۆراكی مانگی ڕەمەزان (نیشاستە، مەعكەرۆنی، ئاردی سفر و شعریە) زیاد كراوەو دابەشكردنی ئەو 11 مادەیە كاریگەریی لەسەر بەرزنەبوونەوەی نرخەكان دەبێت، چونكە بەشێكی پێداویستیی هاوڵاتیان پڕ دەكاتەوە، بۆیە خواست لەسەر مادە خۆراكییەكانی بازاڕ زیاد ناكات.

نەوزاد شێخ كامیل ئاماژەی بەوەش كرد، تا ئێستا نرخی مادە خۆراكییەكان لە بازاڕەكاندا وەك خۆیەتی و بەرزنەبووەتەوە، كاڵایەكی زۆریش لە بازاڕدا هەن و خواستی هاوڵاتیان پڕدەكەنەوە.

لە تۆڕە کۆمەڵایەتیەکان شەیری بکە

سەرەوە