کەناڵی ئاسمانی گەلی کوردستان

  Live

هەواڵەکان

مەکتەبی سکرتارییەتی سەرۆک مام جەلال سەردانی پێشمەرگەی دێرین عومەر قادر گوڵ باخیان کرد

.

06:21 PM - 29/02/2024

ئەمڕۆ پێنج شەممە ٢٩ / ٢ / ٢٠٢٣ مەکتەبی سکرتارییەتی سەرۆک مام جەلال لە ناحیەی بەرزنجە سەردانی تێکۆشەر و پێشمەرگەی دێرین هەڤاڵ عومەر قادر گوڵ باخیان کرد .

لەو سەردانەدا مەکتەبی سکرتارییەت خۆشحاڵی خۆیان بە باشبوونی تەندروستی دەربڕی و رۆڵی هەڤاڵی ناوبراویان لە شۆڕشی نوێ بەرزنرخاند کەوەک قارەمانێکی بەشدار لەخەباتی چەکداری جێ دەستی دیاروبەرچاوبووە .

مەکتەبی سکرتارییەت روونشیانکردەوە لەسەر بڕیارو راسپاردەی سەرۆک بافڵ جەلال تاڵەبانی و هەڤاڵ قوباد تاڵەبانی سەرجەم تێکۆشەرانی یەکێتی و شۆڕشی نوێ و هەموو ئەو قارەمانانەی بەشێک بوون لە سەرخستنی خەباتی چەکداری بەسەر دەکرێنەوەو بە گرنگییەوە لە رۆڵی بەرچاویان دەڕوانرێت و هەرداواکاریی و پێویستییەکیشیان هەبێت ئامادەین  جێبەجێ بکەین .

هەر لەو سەردانەدا بۆ بەرزنجە مەکتەبی سکرتارییەتی بە هاوڕێیەتی هەڤاڵ عومەر قادر گوڵ باخ سەردانی مەزارو مەرقەدی شێخ عیساو شێخ موسا ( رەزای خوایان لەسەر بێت )  کرد کە لە ساڵانی رابردوو لەسەر ئەرکی سەرۆک مام جەلال نۆژەنکرابووەوە .

لەو بەسەرکردنەوەیەدا مەکتەبی سکرتارییەت بە گرنگییەوە لە رۆڵی مەرقەدو تەکییەکانی کوردستانیان رووانی کە بەشێکی گرنگن لە خواپەرستی و پاراستنی گیانی پێکەوەیی و قووڵکردنەوەی خۆشەویستی و پەرەپێدانی گیانی میانرەویی و جەختشیانکردەوە  بەهەمان رۆحیەتی سەرۆک مام جەلال بەردەوام دەبن لە پشتیوانیکردن و خزمەتکردنی هەموو ئەو شوێنە پیرۆزانەی بوونەتە  بەشێکی گرنگ لە مێژوو ، پیرۆزییەکانی  گەلەکەمان و بەڕێزیشەوە لەخزمەتی پیاوچاکاندا دەبین و هەر هەنگاوێکیش پێویست بکات دەیگرینە بەر بۆ پاراستنی ئەم بەها بەرزو پیرۆزانەی بونتە بەشێک لە کەلتووری گەلەکەمان .

لە تۆڕە کۆمەڵایەتیەکان شەیری بکە

سەرەوە